Iɛeggeḍ uberraḥ :
-A lmumnin ! Kkret ɣer lejmaɛ ad tt-rebḥem ! Ilaq ad nexdem tagrawla n tmusni !
Ffɣen-d medden, bdan sqerdicen tamsalt.
A : D acu i d tamusni ?
B : Waqila d tameṭṭut n yinisi !
C : Ala, d yiwen n uẓawan id yusan di tefriqt.
Aṭas n yimdanen id yessawlen, yiwen deg-sen ur yeẓri d acu i d tamusni.
Mi yebda unejmuɛ, yekker-d uqerruy n taddart, yenna-asen :
-A lmumnin, ilaq tura akken ma nella, amɣar, tamɣart, aqcic, taqcict, ad nruḥ ɣer uɣerbaz ad d-naǧew tamusni. Yekker-d udabu tiɣri, yenna-d :
-Yal taddart ad tt-xdem tiwizi ɣef tmusni sin iberdan i ddurt, teẓram a akk adabu am Yillu. Ur meqqreɣ ala nekk i tmusni ?
-Ala tamusni am tayri, tzemreḍ ad tt-ɣred di 9 – 99.
-S wacu ara d naǧew tamusni ?
-S tutlayt taɣelnawt.
-Nwiɣ ihi tutlayt-agi telha kan i luḍu akk d tẓallit. Ih ! Tuɣal Zzawiya d asdawit di tmurt n yideɛmamacen. I trumit akked tegnizit, amek i teḍra yid-sent. Teggra-asent-id kra n terwiḥt neɣ teffeɣ ? wamma tamaziɣt, ala iɣsan-is id yeqqimen.
Ruḥen ad t-taddart ad ɣren. Muḥend d yiwen seg-sen.
Tamsirt tamezwarut yewwi-tt-id uselmad-nsen ɣef tmusni :
-Rebbi iwessa-d ɣef tmusni, ɣret leqran, deg-s tella akk tmusni n ddunit.
Tamsirt tis snat yewwi-tt-id uselmad-nsen ɣef Cciṭan :
-Ḥadret iman-nwen, Cciṭan yettraǧu kan win ara yestehzin i wakken ad yekcem ɣer wul-is, ad t-yessexdem mgal Illu-s.
Tamsirt tlata yewwi-tt-id uselmad-nsen ɣef tmusni :
-Tameṭṭut ilaq ad tt-ttaɣ awal i wargaz-is. Ilaq ad tt-ṣṣer iman-is s lḥijab aberkan, am ugerfiw,. Ilaq ad tt-ṭafar argaz-is sdeffir, am uṭarus, mačči afus deg ufus.
Muḥend yesreɛ, yewweḍ s axxamiqerḥit uqerruy-is, ma d tamusni, ruḥ ay Aɛrab ar tafsut, mazal ur yeẓri ara d acu-tt ?
Bussaɛd Ḥemar