Ad ttekkin 14 n yinaddalen idzayriyen deg telɣuɣa n umaḍal n tatlitit n 2015 ara d-yilin deg Pikin deffir ma tesɛedda tfidiṛalit n IAAF Khaled Benmahdi d Abdelhamid Zerifi ɣef wakken ay d-tenna ass n lexmis Tfidiṛalit tadzayrit n Inaddalen Khaled Benmahdi (800 n lmitrat) d Abdelhamid Zerifi (3000 n lmitrat s temda) tesɛedda-ten Tfidiṛalit tagaɣlant n tatlitit imi ay d-zgan gar yimxeyyren deg umaḍal deg waddalen-nsen, ɣef wakken ay d-tebder teɣbalut- D acu kan, Zerifi ay yellan ussan-a deg Fṛansa yerna ur yesɛi ara lviza, yezmer ur yetteddu ara, ula ma Tafidiṛalit tadzayrit n tatlitit tɛuhed ad teg akk ayen umi tezmer akken ad t-teǧǧ ad d-yuɣal ɣer tmurt ɣef zik lḥal yerna ad d-iheyyi lekwaɣeḍ iwatan i lviza tacinwat, ladɣa imi addal-nnes (3000 n lmitrat s temda) ad d-tili temsizzelt-nnes tamezwarut ass amezwaru n telɣuɣa (22 Ɣuct). Seg yidis niḍen, tamagla tadzayrit ad teddu ɣer Pikin deg 4 n tegrawin. Tagrawt tamezwarut ssefran ad teddu ass n lexmis 13 Ɣuct yerna llan deg-s Abdelmalek Lahoulou, Saber Boukemouche d Miloud Rahmani (400 n lmitrat s yifergan), Hicham Bouchicha d Bilal Tabli (3000 n lmitrat s temda), Yacine Hathat (800 n lmitrat), Larbi Bouraada (adikaṭlun) d Amina Bettiche (3000 n lmitrat s Tagrawt tis snat ad teddu ass n 16 Ɣuct yerna ad ilin deg-s unaddal Salim Keddar d yimḍebbren n tmagla tadzayrit. Tagrawt tis kraḍt ad teqleɛ ass n 18 Ɣuct yerna ad teddu deg-s Souad Ait Salem (amaraṭun), Khaled Benmahdi (800 n lmitrat) d ulɣuɣ ulimpi n 2012, Taoufik Makhloufi (1500 n Ma d tagrawt tis kuẓet yerna d taneggarut, ad teddu ass n 20 Ɣuct yerna ad tili deg-s Barkahoum Drici (amaraṭun) d yiwen n Talɣuɣa n umaḍal tis 15 n tatlitit ad d-tili gar 22 d 30 Ɣuct 2015 deg Pikin.
APS