Deg wayen umi isemma : » amṣaleḥ asnilsan » yessumer-d uneɣmas Sliman Bekhlili yettwassnen ladɣa s tedwilt » Xatem Sulayman » ad d-yili useɛdel ger taɛṛabt d tmaziɣt deg tmendawt s usenṣeb n tmaziɣt d ad tettuḥettem tmaziɣt deg yiɣerbazen akk n Ldzayer yennumek ula d timnaḍin tiɛerbawalin ad tettuḥettem ɣef-sen tmaziɣt. Am wakken d-yessumer ad d-tili tlelli n wefran nugemmay s tlelli ger usekkil aɛṛab d usekkil alatini Maca yessumer-d daɣen ur d-yettili ara maḥyaf ger tutlayin tijenṭaḍin m tafransist ed teglizit ay yettwali d tutlayt n tussna tamaḍlant ay d-yuɣen akk amaḍal. D ayen d-yessbanayen belliiswi agejdan n tsumert-a d adafeɛ ɣef taɛṛabt s tukksa n tefransist. Maca tasumert (initiative) n Sliman Bekjlii ur tt-qbilen ara aṭas n Yibeɛtiyen d waṭas n Yiselmaẓriyen ay d-yewten deg-s s teqseḥ imi yesseɣdem (yesseɛdel) ger taɛṛabt d tmaziɣt acku deg tesnakta-nsen d iriẓrant (tamsirit, raciste) tamaziɣt ddaw uḍar n taɣṛabt kan ay d amkan-is Ur qbilen ara daɣen ad tettuḥettem tmaziɣt ɣef » Waɛṛaben » ɣas ma ttwalin taɛṛabt ilaq ilaq ad tettuḥettem ɣef » Yimaziɣen » … Win ara yessilqin deg yiswi asertan n tsumert-a ad yaf ɣas akken Sliman Bekhlili d Amaziɣ n Wawras yessawalen tamaziɣt yettwassen ugar s udafeɛ ɣef taɛṛabt d weḥqar udrig n tmaziɣt ladɣa imi werjin ay as-nesla yedda deg usuter n yizerfan n tmaziɣt. Yuɣ lḥal Sliman Bekhlili yettwassen aṭas s udafeɛ-ines ɣef tutlayt taɛṛabt d tesnakta taselmaẓrit. Annect-a d ayen ara aɣ-yejjen ad nxemmem belli iswi-is asertanuffir d asnerni n yiɣallen ara yewwten mgal tafransist, ara yesnernin tizemmar tiɛeṛbaẓriyin mgal tutlayt tafransist alamma d asmi ara tt-snegren deg yinurar nuseqdec ladɣa aɣerbaz, taɣamsa, inurar delsanen s yisem n useɛdel ger tefransist f teglizit… imir-n ad d-zzin ɣef tmaziɣt ad tt-meḥqen, ad uɣalen deg wawal am wakken nnumen seg 1962 ar ass-a. Wigi ulac deg-sen laman !
Tiddukla Tadelsant Imedyazen