I kra n tin neɣ win yebɣan ad t/yettikki deg temlilit n tmedyazt tis 09 n tmaziɣt n Sumam ara d-tesuddes Tiddukla Itri Adelsan N Weqbu, timlilit ara d yilin seg 24 ɣer 27 deg Dujember 2015, ad d t/yazen krad (03) n yisefra. Ad ttwarun s tlatinit, s ttawil n uselkim. Aya uqbel 30 Umbir 2015, ɣer tansa-ya Email : etoileculturelle@gmail.com. S kra n win neɣ tin ara ad yaznen, ur d-isedday ara isemi-s neɣ uṭṭun n tilfu- ines. Imekkiyen ad ẓren belli tamedyazt-nsen ad tɛeddi uqbel deg usɣerbel sɣur tesqamutt n umsizwer. D nettat ara d imudden igmaḍ imenza umi ara nessiwel ad kkin deg temsizelt n tmedyazt. Imedyazen id-yessuffɣen ammuden n yisefra, zemren ad d-glun yes-sen ad ten-senzen s ubuddu. Kra n win yewwin araz deg temliliyin yezrin, nessaram ad d-asen ad ilin d inebgawen n temlilit n lɛez d lḥerma. ula d nutni, yal yiwen s tama-s, izmer ad d-iglu s terzeft akken ad yerr tajmilt i umedyaz-nneɣ ameqran Dda Muḥamed Benḥanafi. Win yexsen ugar n yisallen ad d-isiwel ɣer wuṭunen-a : 0775545776 akked 0772650015.
