* Inelmaden ḥebsen ɣef leqraya
Inelmaden n taggara di tesnawit n krim belqasem di tubiert ḥebsen leqraya azal n sin wussan ( tlata d larebɛa ) sebba lexsas iselmaden deg kra n walmuden am wayen yeɛnan aselmad n tussna, imi tuɣalin ɣer iɣerbazen ktar n wayyur ar ass-a d wussan werɛad id asen-d wwin aselmad am wakken id-begnen almud-agi yettuneḥsab d almud agejdan deg ukayad n bac , ɣef waya inelmaden nejmaeɛn deg ufrag n tkubanit uggin ad kecmen ɣer tzeɣwa ssuturen seg unemhal n tesnawit iwakken ad asen- awwin aselmad yerra d win yesɛan tirmit , dayen id – yellan ula ɣur yinelmaden di tesnawit n ṣur lɣuzlan i yibeɛben azal n 35 yikilumiṭṭren ɣef unẓul n tubiret ula d nutni ḥebsen leqraya imi xusen kra n yiselmaden deg uswir wis kraḍ , dayen yeǧǧan inelmaden ad teɣli lxuf fell-asen d ushisef ɣef uɣbel .
* Tiɣri n yimezdaɣ
Imezdaɣ n tiɣiwant n at raced di tubiret ssuturen seg yimḍebren n tɣiwant iwakken ad asen-xeddmen ixxamen n yilmeẓyen anda ara uraren warraw nsen am wayen yeɛnan tizeɣwa n waddal yemgaraden rnu ɣur-s annar n dabax , ɛlaḥsab imezdaɣ id -iwekden i uɣmis n yimaziɣen akken ilmeẓyen ttafen-d iman nsen ulac d acu ara xeddmen ladɣa deg ussan n ustefu , si tama nniḍen ula d ilmeẓyen begnen-d lɣid nsen nnan-d akken ulac anda ara sɛedin lweqt , ɣef waya imezdaɣ ggren tiɣri i yimḍebren n usqamu aɣerfan n tɣiwant akken ad ɛejlen s tifrat n uɣbel akken ur ttruḥun ara warraw nsen deg yir iberdan .
* Azal n 70 tnezduɣin di ttiɛad
Aṣenfar n tnezduɣin id -sfayed tɣiwant n at leqser acḥal ayagi ikemmel lecɣal imi yessali azal n 8 wayyuren , dayen yeǧǧan kra n yimdanen ssaramen melmi ara d-yecraq yiṭij fell-asen , ad yefru lhem iten yeṭṭafaren di tudert nsen akken ad sfayden s tnezduɣin imi aṭas ayagi sraqqaben melmi ara kemmlent tnezduɣin , wekden-d kra n yemdanen akken tinezduɣin ideg llan akka tura bɣant ad aɣlin imi d tiqdimint , ɣef waya ssuturen seg uselway n tɣiwant ad ibegen lejrida n yemdanen i d-yesfayden.
* Belkeḍ berra n unegmu
Četkayen imezdaɣ n taddart n belkeḍ i yetabɛaen ɣer tɣiwant n lmesddur id -yezgan deg unẓul n lwilaya n tubiret ɣef liḥala ideg ttidiren d lexsas n wallalen tudert imi ttidiren di tegnatin qessiḥn d wuguren iten yettmagaren imi taddart- a tettwaɛzel aṭas ɣef tɣiwant , gar lexsas n wallal abrid yettawin ɣer temnaḍt-agi ur yɛedil ara yexsar yeččur d idɣaɣn , ixujḍan n waman ansi id as-tekkid yergel rnu ɣur-s lexsas n tḥuna yesnuzun isufar n lmakla , lexsas n waman ,asizdeg n temnaḍt , ɛlaḥsab imezdaɣ wekden-d akken ulac imḍebren id-yerzan ɣer taddart akken ad ẓren liḥala ideg ttidiren , ɣef waya ssuturen seg yimḍebren ad d-rren lwelha nsen ɣur-sen s yiṣenfaren n unegmu .
Menas Abdelhak