Aḥric n sinima n teqbaylit simmal yettnerni deg seggas γer wayeḍs lmendad n yinaẓẓuren n teqbaylit iqedcen xas akken yeṭṭuqet lexṣas, imi ulac lebɣi sɣur yimṣulta akken ad sbedden yiwet n tisertit tadelsanit ara iɛabbin timsal yecqan idles s umata, imi lsas amzwaru akken ad ibedd uḥric n sinima ɣef ifaden iṣaḥen
Wicqa deg wuguren , imi skud lebɣi yella, allaγ iẓemmi-d tiktiwin, i yesnnernin aḥric n sinima. imi llan inaẓuren yesfiliten akken ad-tilli saba deg ayen xedmen, jban-d isufar s wacu ara yekker uḥric n sinima ad yecbu idelsan n leǧnas iḍen.
Ger inaẓuren-agi, ssin n yisebgaren i yetwasnen deg annar n sinima n teqbaylit, imi fkan-d aṭas i uḥric-agi; wigi d Yidir Sai akked Yunes Muḥammadi n temnaḍt n Wizgan (Buzgan) agerzu n Tizi-Wezzu, i ikecmen annar-agi n tẓuri deg seggasen n 1990, imi urraren deqs n tmezggunin deg tmeγriwin d tmesbaniyin tidelsanin, syen deg ucrured γer uḥrured kecmen annar n sinima n teqbaylit s tahri anda id-urraren di deqs n yisura imeqranen id-yettεedayen di sinimat akked Tilizri taγelnawt amaṭaf wis 04, s yisental yemgaraden, ger-asen « Faḍma n Summer, Axxam n Tajjalt, Tiqellaεin, Caεban di Remḍan, Aḥlil Aḥlil, Bu-Tqurdac, Bu-Tqurhatin, Ussan di tefsut ».
Maca, asaru n teqbaylit d win yetnarnin deq ass γer wayeḍ s lebγi n yinaẓuren icuban Yidir d Yunes, imi ussan-agi kkan kfan asekles n yiwen n usaru amaynut s usentel « Tidyanin Yesewhamen », d asaru yebḍan γef 20 n yaḥricen, yal aḥric yesεa 10 n dqayeq s yisental yezwal yemgaraden, imi id-wwin awal γef tudert di tmetti n wass-a akked iγeblan yettidir uqbayli ger-asen « Ṣyada n Yemqqarqar ». Asekles yella-d di temnaḍt n Wizgan d tudrin-is, yerna s ttawilat sεan, imi xedmen akken i uffan mačči akken bγan, awwid kkan ad-yennarni yedles n teqbaylit.
Islam Bessaci