Mazal imezdaɣ n taddart ben Ɛli i yetabaɛen ɣer tɣiwant n wad lberdi ibeɛden azal 11 yikilumiṭren ɣef unẓul lwilaya n tubiret ṭṭfen deg yiwen n usirem d ameqqran akken aten-d wallin imḍebren tɣiwant s uṣenfer lgaz n temdint imi aṭas ayagi nutni ttrajun melmi ara d-yecraq yiṭij fell-asen , yerna d aɣbel yerran lwelha n 250 twaculin di temnaḍt-agi mebla ma nettu akken imezdaɣ-a ɛlaḥsab imeslayen-nsen ttidiren di tegnatin qessiḥen ɣef unadi n tqreɛtin lgaz acku trenu di leɛtab-nsen ladɣa deg ussan n tegrest imi asafar-agi ixus s waṭas di taddart yerra tettnerni di suma anda tettaweḍ ɣer 1000 idinaren i yiwet n tqerɛt , Si tama nniḍen wekkden-d akken ttruḥun ɣef uḍar azal 6 yikilumiṭren akken ad d-awwin taqerɛet n lgaz , Ma yella d wiyaḍ nniḍn yesefk fell-asen ad kerrun tikeṛṛusin akken ad ṣawḍen ad d-awwin asafar-agi imi iwilem , ɛlaḥsab kra n twaculin wekkden llan iɣublan nniḍen am lexsas n waman imi ur sen-ttawḍen ara yal ass imi ttasend tikelt di ddurt , dayen yeǧǧan imezdaɣ ssaramen seg yimḍebren teɛna temsalt ad d-afen tifrat akken ad sifsen taɛkumt ɣef twaculin-agi akked keffu yisura iɣublan .
Menas Abdelhak