Zzin 33 n yiseggasen ɣef wasmi nɣan Watmaten Inselmen (Al Ixwan Al Muslimun) ameɣras ilemẓi, ameɣnas n tmaziɣt ed tugdut : Kamel Amzal. Deg wass n 2 wunbeṛ n useggas 1982 deg tesdawit n Ben Aknoun yekker umennuɣ d ameqqran ger yinelmaden iselmaẓriyen (islamistes) n umussu n Watmaten Inselmen (ixwanjiyen) akked yinelmaden imegdayen gar-asen Kamel yellan imir-n deg leɛmeṛ-is 20 n yiseggasen kan. Deg umennuɣ-nni dɣa ay t-id-nɣan.
Tamrawt kan n yiseggasen mbeɛd d igiman (milliers) n yimeɣnasen n tmaziɣt d tugdut ay d-nɣan Yiselmaẓriyen irefden leslaḥ mgal aɣref d uwanek. Asmi d-nɣan Kamel Amzal, amennuɣ yekker ɣef wamek ara sseddun tudert deg yiɣaramen isdawanen (cités universitaires) imi yal tama tebɣa ad teṭṭef aseqqamu n uɣaram (comité de cité). Asmi tekker deg 1992, amennuɣ yekker ɣef wamek ara sseddun tudert deg tmurt. Ass n 02 wunbeṛ 1982 nɣan-d Kamel ay d-yeqqimen d azamul maca deg temrawt-nni taberkant 200.000 n yimdanen ay d-nɣan gar-asen aṭas n yimeɣnasen n tugdut tmaziɣt. S usmekti d tajmilt ay as-nettarra : gen deg talwit a ameɣras ur ṛuḥen ara yidammen-ik.
Tiddukla n Yimedyazen