Tafaska n sinima amaziɣ “ isni n wewṛaɣ “ id yettilin yal aseggas deg temdint n Agadir di Lmaruk di tedwilt-is t-is tesɛa, tessuli leqdic-ines menbeɛd tlata n wussan anda isura n tmaziɣt id yekkan si yal tamiwin n tmazɣa mɛabbaren bay-gar-sen ɣef arraz amenzu “ isni n wewṛaɣ/ la couronne d’or” . Wid iḥadren i tfaska-agi walan aṭas n isura di yal ṣṣenf n sinima ( isura ɣezzifen, isura wezzilen, imesliɣten-documentaires..). Yuɣ lḥal azal n 25 isura id yettikkin deg temzizelt-agi . Isura-agi yettikkin di tfaska n yisni n wewṛaɣ ɛadden deg aṭas n tzeɣwin n sinima di temdint n Agadir , dayen-nni is yernan azal imi s wakka aṭas n yemferǧǧên i sen-iwaɛan .
Taseqqamut yellan di lmendad n tfaska-agi tefka arraz amenzu i wemsarug ‘(cineaste) Mohamed Abaaram ɣef usaru-ines “Bu tfunast”. Si tama nniḍen arraz aɣelnaw n yidles amaziɣ n IRCAM yuɣal i bab-is Said Belli ɣef usaru-ines wezzilen “bab n Lpicakala”.
Si tama nniḍen arraz amenzu n tamlilit ( meilleur rôle) yuɣal i usaru“ ccna n izeḍcen” n bab-is Mass Berkennou Ali. Ma yella d arraz n uzeffan ifazzen iṣaḥed Cherif Azrou yuraren deg usaru-agi. Am akken diɣ yuɣal warraz amenzu n isura wezzilen i usaru ‘ tiɣri n tsusmi”.
Tazafent yewwi arraz amenzu d Sabrina akked Khadidja Amezyan yuraren tamezwarut deg usaru “ Tiɣeṛsi” akked usaru “ assegil”.
Mass Berkennou Ali iṣaḥed-it-id diɣen warraz n siinaryu ifazzen ɣef usaru –ines “ ccna n izeḍcen”. Si tama nniḍen asaru imselɣet ( documenataire) ‘ tiɣri n tilawin”n Mass Sofiane Aaraichi d netta umi yuɣal warraz deg ṣṣenf –agi n sinima.
Ma yella d arraz ameqqran “ isni n wewṛaɣ” iṣaḥed tarbaɛt yellan deffir usaru “ assigil’ id yessufeɣ mass Ouasih Abedelaziz.
Di taggara n tfaska tuɣal tajmlit i Mass Tarik cabbage” yellan i lmendad i tfaska-agi , am akken diɣen tella tmeɣṛa n uẓawan anda is tuɣal tajmilt i Matoub Lounes s lmendad n taɣect n tcennayt talmanit Uli Rohde id yecnan tizlatin n yitri n tmazɣa Mass Matoub Lounes, uqbel a tt-id yeḍfer ucennay Juba id yewwin ula d netta acḥal n tezlatin n unaẓur-nneɣ ameqqran.
Ait Slimane Hamid