Mebɛed ‘’Imeṭṭi n Bab Yidurar’’, ‘’Lkuraj n tyaziḍt’’, ‘’Mraw n tmucuha i yiḍes’’, d yidlisen-nniḍen s tutlayt talmanit, yuɣal-d Akli Kebaili s tmacahut-nniḍen iwumi yefka isem ‘’Afriwen ur nessafag’’.
‘’Afriwen ur nessafag’’ d tamacahut n tyaziḍt i yeffɣen deg tmurt-is imi ḥettmen fell-as yimnekcamen i wakken ad tečč ibawen deg umekkan n temẓin. D tamacahut i d-yessawel umeskar s yixemmimen akked d tudert n tura. Xas ulamma tayaziḍt ttakken-tt medden d amedya n tugdi : win yekkren ɣer wayeḍ, ad as-yini tesɛiḍ tasa n tyaziḍt, meɛna Akli Kebaili iga-as i tyaziḍt-a tabɣest : tesseɣleb ɣef wuguren i d-temmugern akked yiɣersiwen, ladɣa, nettat d igider i yettwassnen d acengu n tyuzaḍ. Deg taggara, tuɣal-d armi d tamurt meɛna, amek d wacuɣer ?
Akli Kebaili yesɛa duktura deg tussniwin tisertanin daymi ara naf ticraḍ n tsertit deg tira-as.
Tazwart s ɣur Kamel Nait Zerrad.
Yeffeɣ-d udlis ɣer tezrigin L’Odysée, 2014.
Hocine.M