Ssuturen imezdaɣ di kra n temnaḍin di tɣiwant Ɛin bessam si lwali n tubiret s usiweḍ lgaz n temdint ɣer tuddar nsen ladɣa aṭas n temnaḍn iten-iqerben sfaydent s uṣenfar-agi , dayen id-yeglan s lɣid imezdaɣ imi ttwalin akken ttwaḥeqren deg yizerfan nsen ɣef waya steqsayen seg yimḍebren acu ɣar ur d-yewwiḍ ara lgaz s ixxamen nsen imi tudrin nniḍen sɛant , ɛlaḥsab kra n twaculin wekkden-d akken azal 8 temnaḍin ur sɛint ara lgaz n temdint , Si tama nniḍen akken imḍebren rran sebba ɣer temnaḍin-agi imi zgant-d deg yidurar yeɛlayen ɣef wannect-a ufan uguren s usiweḍ usafar-a dacu kan imezdaɣ ur ten-qniԑen ara s sebba-agi acku maci d tisebbiwin ara yeǧǧen akken ur sen-sawaḍen ara lgaz axaṭar nnan-d belli llant tuddar nniḍen zgant-d deg yidurara siwḍen asen asafar-agi acku imḍebren rran lwelha nsen ɣer tama-agi ma yella d timnaḍin-agi id-nebder ur rrin ara lbal nsen ɣur-sent , Ma nmuqqel akken tiɣiwant Ɛin bessam tettuneḥsab gar tɣiwanin yettwasnen s udfel d ugeffur iqessiḥen di cetwa am wakken ttafen imezdaɣ ugur di lexsas n tqreɛtin lgaz imi yettxasa s waṭas yerra tettnerni suma-is anda tettaweḍ tikwal ɣer 300 idinaren i tqerɛet , ɣef waya imezdaɣ gren tiɣri i tikkelt nniḍen i yimḍebren n tɣiwant ad d-rren lwelha nsen s aɣbel-agi s usiweḍ usafar-agi imi yettuneḥsab d asafar agejdan iseqdacen s waṭas ladɣa deg ussan n tegrest .
M.A