Segmi d-yeḍra deg-sen ilindi useyyax d ameqqran, i ireglen abrid ddeqs n wussan i waṭas n yimezdaɣ n tɣiwanin n Ayt Smaɛel ed Tsexriwt, uɣalen medden akken ma llan ttkukrun daɣen ttaggaden aɛeddi seg yiberdan-a iwḥiden ɣas ma llan-d deg-sen lecɣal n useggem ed ussemsawi n wakal i iruḥen imir-nni. Tulacit n laman ɣur yinehharen tettzid lawan-a ladɣa, mi d-tettaẓ s tazzla tegrest; akud n yigeffuren ed waman. Yuɣ lḥal, ilindi deg furar i tegla yes-s lberṭa, mi akken ttnernayen ttahdan yiḥemmalen. D ayen i yeǧǧan yal ukrid bu tkerrust deg tama-ya n usamar-anẓul n Bgayet yetthabi ad d-leḥqen wayyuren-a n ccetwa netta ilaq-as ad yesseqdec abrid-nni. Inehharen i terza taluft, yal yiwen amek yettwali; wa iẓerr d tiqenṭrin-nni timeẓyanin i ur nemmug amek ilaq, wayeḍ yettwali dakken akal-nni merra d amihi (danger) deg tegrest imi yezmer ad iseyyex yal mara as-yehwu. Daymi ssaramen lemmer zun yella ubrid nniḍen yessufuɣen nnig n uqbur-nni. «Iberdan n wadda atan bdan berrṭen. Ass-a azekk-a ad teḍru lberṭa tayeḍ. Ɣef waya nettraǧu melmi ad iheggi ubrid asellak n Tecruft ara aɣ-yessawaḍen srid i Uweqqas war ma nekka seg Lberj n Mira». I aɣ-d-yenna yiwen n yilemẓi seg Ayt Smaɛel. D wa i d-yeqqimen d asirem n yiseqdacen n ubrid-a ubriḍ d
M..X