Yal taggara n useggas deg tegrest leqḍen medden azemmur , ad ruḥent twaculin akken ara d-yebdu yiṭij ɣer wayla –nsent akken ad leqḍent azemmur , ttruḥun yakk iɛeggalen n twacult abeɛda mi ara yelhu lḥal. Zzit n uzemmur telha d asafar yesejjiyen aṭas n waṭṭanen maca tewɛer i ulqaḍ , llan kra imukan ur nefris ara ttaččren d isennanen n yidmim , llan daɣen imukan i deg yella ugris ur wɛin ara iṭij , ɣas akken Leqbayel ttebiren awi-d kan ad tili ṣṣaba d lɛella n uzemmur telha. Alqaḍ n uzemmur d tagnit anida d-ttemlilint twaculin xeddment d tumert , yella wanida xeddmen tiwizi maca mačči am zik acku drus i sɛan medden n uzemmur ɣef zik. Lɣella n zzit teffeɣ aseggas-a seg 16 ɣer 20 litrat n uqenṭar maca wid yesnen tafellaḥt nnan-d drus ,imi zik anect-a ttawint-id deg uzemmur n lqaɛa mi ara t-id yeseɣli waḍu uqbel ad t-id-zwin ; ɣef waya lɣella n uzemmur txuṣ ɣef zik sebba n lexṣaṣ-agi d adfel d ubruri bu- tucar d-yewten deg yiseggasen-agi ineggura , ma d azal n zzit tuwweḍ dagi deg lemɛinṣra n uqbil , neɣ iɛeṭṭafen d wat yanni ɣer 700 idinaren i litra .Nesaram armud-agi n uzemmur ur stehzayen ara deg-s Leqbayel imi d armud d-ǧǧan lejdud-nneɣ tasuta ad tt-id teǧǧ i tayeḍ.
Zakia Ben yahia