Ass n umhad 07 seg yennayer imezdaɣ n Tasaft ugemmun xedmen yiwet n zerda , zerda-agi amek itt-xeddmen :ad yili yiwen umdan yebɣa ad iṣeddeq , ad yexdem lwaξda , ad iruḥ ad ad d-yaɣ azger neɣ ikerri ayen yenwa ad yali ɣer zzawiya n sidi ∑ammar ad yemsefham d yimawlan n temξemmert-agi ,ad as-zlun ,ad sewwen dinna lwaξda ad d-asen yimudan yettwamelken , ad ilin lexwan ( ixuniyen) ad cnun cna n ddin deg-s ttadren-d Rebbi , ttdekkiren, deξun s lxir i yimuḍan-nni, jeddben , deξξun i win d-ixedmen lwaξda –nni akken ad tt-yeqbel Rebbi , yerna at taddart akk ad d-asen ad ččen yerna ad ḥedren i wayen yettilin akk dinna deg zzawiya, yerna win yebɣan ad d-yas ad yečč ɣas ma d aberrani ulac aɣilif ; ixedem-itt tikkelt-agi yiwen d anesbaɣur ( d amerkanti ), yuɣ-d azger zlan-t dinna deg zzawiya , tezri ( tξedda ) zerda –agi akken iwata , s tumert s necraḥa d tagnit anida d-ttemlilin yemdanen ttmektayen-d abeξda imeɣban, d iẓawaliyin ur nẓer aksun ala deg lξid , xeddmen zerda ula deg zzawiyat niḍen : jeddi Mengellat yellan deg wat Mangellat deg Micli , Lḥağ Belqasen deg Wat yanni , Ccix Muḥend deg wat Ḥmed anida yenṭel dda lḥusin ayt Ḥmed (Micli) , Balwa deg Rğawna n Tizi Wezzu yerna qqaren-d lwaξda tesebξad lmuṣiba , ama i win tt-ixedmen , ama i wat taddart ;zerda melmi i tebɣiḍ tella mačči kan deg tξacurt, am tmecreḍt i,mazal leqbayel ṭṭfen deg wansay-agi , d ayen yesefraḥen ulac wini izemren ad yettu ansayen-nnaɣ d agerruj ur nettfakka, llan ad ilin ilaq ad neseḥbiber fell-asen.
Zakia Ben Yahia