Yennayer d tiwwura n useggas imaziɣen d ansay yellan deg waṭas n temnaḍin n tmazɣa , asfugel-ines iɣelli-d ass n 12 di ( janvier ) n yal aseggas anda imaziɣen merra xeddmen timeɣriwen ilmend useggas amaynut n yimaziɣen 2966 dacu kan asfugel-ines yemgarad si temnadt ɣer tayeḍ meḥsub di tamiwin n tmazaɣa ama leqbayen , icawiyen , imzabiyen imi amenzu n yennayer ur yezmir yiwen ad t-yezgel d agi ɣur-neɣ imi d tagnit ideg tettemlil tassa d way turew d ass ideg ttmezren akk iɛeggalen n twacult : atmaten , tiysetmatin , ilmeẓyen … yerna yettili uqesser akk d taḍsa d unecraḥ , dayen yeǧǧan akk imaziɣen sfuglen tagnit-agi gar-asent ad d-naf tasdawit n tubiret agezdu n tutlayt d yidles amaziɣ s lmendad iɛeggalen n umazday imani n tutlayt d yidles amaziɣ anda i heggan yiwen leqdic d amerkkanti s wazal azal n rebɛa wussan imi ula d nutni smektand amenzu n yennayer s yiwen umahil d ameqqran ɣas akka ulac afus lemɛawna s ɣur yimḍebren n tseddawit ladɣa iɛeggalen ugezdu n tmaziɣt ḥaca tazeqqa iserragen id asen-d fkan imi tamsalt teɛna akk izzayriyen s usfugel n yennayer , ameɛna inelmaden bɣan ad d-smektin tagnit s tebɣest nsen jemɛend idrimen s ɣur yinelmaden iwakken ad ttekin di tmeɣra yecban taggi anda sawḍen xeddmen isarragen , ticeqqufin umezgun id yewwin awal ɣef umezruy n yennayer amek id yella d wamek id yewweḍ ɣer tizin wass-a , am wakken llant-d lemwakel n wansayen i yettwasnen di tmetti taqbaylit ma yella d amahil ad at-naf yebna ɣef yissaragen id yewwi hamid Brahimi d aselmad n tmaziɣ akk d ussarag nniḍen s lmendad Noureddine Bellal d aselmad deg ugezdu n tmaziɣt di tseddawit n tubiret anda id meslayen ɣef umezruy n yennayer annect-agi yella-d ass amezwaru , Ma yella d ass wis sin yiwen ussaru s tmaziɣt s yin akkin ikemmel leqdic ami d rebɛa n tmeddit s tceqqufin n umezgun s ɣur kra n trebbuyaɛ ama d tiḍ unecraḥ akk d teḍsa daɣen tid n umezruy n yimaziɣen daɣen tella yiwet n trebaɛt n cḍaḥ s ɣur watmaten-neɣ itergiyen sbegnend ansayen nsen s cḍaḥ rnu ɣer waya amahil ur yeḥbis ara kan dina ikemmel sin wussan n nniḍen imi ass n ttlata ass 12 si yennayen d ass n yimaziɣen tella-d yiwet n tmeɣra tameqqrant s iḍebbalen dacu kan tasebḥit yella wurrar n yidles s kra isteqsiyen ɣef tektiwin akk d tmusniwin ɣef tutlayt n tmaziɣt anda ttekkin rebɛa yegrawen yal agraw i yiman-is s lmendad 4 inelmaden i yiwen ugraw ad d-rren tiririt ɣef isteqsiyen ma yella d tameddit tkemmel tmeɣra s iḍebbalen , Ma d ass aneggaru kemmlen ahil-nsen s yiwet n tmeɣra tameqqrant s waṭas inaẓuren d ilmeẓyen akk d kra n trebbuyaɛ id -yerzan seg at mlikec akk d at leɛziz d yiwet n tlemẓit iwumi qqaren nessrine id yecnan s teqbaylit ami d tameddit , dacu kan ayen ifazen di tegnit -agi n yennayen ɣas akk amazday imani n tutlayt d yidles amaziɣ mmugren aṭas d ugguren d lexsas n wallalen iwilmen ladɣa si tedbelt n tseddawit d ugezdu n tmaziɣt ameɛna s tebɣest d ufus lemɛiwna inelmaden sawḍen ad d- sfuglen ad smektin amenzu n yennayer imaziɣen s wayen izemren .
Abdelhak Menas