Tessnem akk tamurt n Swis. D tamurt tamectuḥt I d yezgan di Europe, gar Fransa d Lalman.Tamanaɣt-ines d Bern .Izzayriyen akk ttargun ad iddiren di tmurt-a. Muḥend d yiwen deg sen, teffeɣ targit-is ɣer tilawt. Yessen yiwet n tmeṭṭut n Swis s ttawil n ugarnet, teqbel ad att zweǧ yid-s. Asmi is id fkan l visa, yekkat ubendayer n lferḥ deg wul-is. Iruḥ ɣer tmurt n tirga,yezweǧ d Veronika. Yuffa-d axedim yelhan.Iferḥ nsen, yal ass yettnerni. Sɛan sin igerdan d uzyinen: aqcic akked tteqcict. Muḥend yettiddir am ugllid maca txus-it kan yiwet n tɣawsa akken ad dt yilli di temsunt. Iḥemmel imawlan-is.Yecfa i lxir is xeddmen. Maca,uggin ad ruḥen,ad iddiren yid-s di tmurt n Swis. Yal tikelt ara-ten-id-yenced, ad as inni-n: “Nekni d inselmen, ur nettruḥ-ara ɣer tmurt n ikafriwen, tamurt n Ccrab d leḥram, tamurt n numin-ara s Rebbi d Nnbi…” Yiwen wass, yenna-asen Muḥend : “Iyaw ay imawlan-iw aɛzizen, ad att jerbem yiwen waggur ma yella ur tuffim-ara iman-nwen, ad d-uɣalem ɣer lzzayer. Ulac d acu ara t-xeṣrem, d nek ara ixelṣem kulec.” Ruḥen ɣer Swis. Uffan liḥala tecba tamsunt : Imdanen akk sɛan ḍrafa d lekyiasa, imedqan akk ccbḥen, iberdan akk zedigit… Iɛedda waggur am lebraq. Yenna-as Saɛid i Tassaɛdit: “Iyan ihi tura, ad a nuɣal ɣer tmurt a tameṭṭut!”. Terra-as Tassaɛdit: “ruḥ kan ad attuɣaleḍ weḥd-k ma tebɣiḍ ma d nekk, aḥeq 7 Zzbari wareg ad uɣaleɣ ɣer tmurt-nni n ikafriwen.”
BUSSAƐD ḤEMMAR