Baylache d anaẓur yellan di tllalit deg umenzu n unbir deg useggas 1983 di tɣiwant Ukeffadu yeṭṭafaren tawilayt n Bgayet, assag-is n tidet «Ԑbalac yazid» seg twacult n yinaẓuren anda yella bab-as Yidir Akfadu d netta i as-imuden taselfast-a B «Baylache» . Seg imi yella d amecṭuḥ ira ad d-yurar ɣef wallalen uẓawan , dɣa asmi yesεa deg uwtay-is 09 n yiseggasen din i yebda taẓuri ,yekcem ɣer talilt (chorale) di lakul anda yeqqar, yella daɣen deg ugraw «Inuẓar»anda yella mass Redwan Yazid , syin iḥulfa iman-is yezmer ad yecnu ɣur-s ssut yettaken taneffut i wul ,yelmmed ɣer bab-as amek ad d-yawi asentel akken ad yaleɣ usefru d userkeb uẓawan, deg useggas 1997 yecna d bab-as deg tezlit «imusnawen». ula di lakul yeẓwer anda deg useggas 2002 yewwi-d agerdas n usaḍuf di tesdawit, snitra ur tt-yeǧǧi , yegna yal aceqqiq n uẓawan , yelmmed amek ara yurar ɣef wallalen anda yella d amsiwen «musicien «i ddeqs n yinaẓuren imi yekkat akken iwata di lawan-nni gar-asen «Lwiza, Idurar, tarbaεt Akfadu ,Farid Brayek ….., syin deg useggas 2007 deg udebsi n bab-as «Tidyanin n wul» id-yexdem tizlit-is tamezwarut «d lawan ad ruḥeɣ» s yes i yettwasen , yes i yexdem aɣray i tẓuri-is .Deg useggas 2008 yessekles adebsi-ines «Abrid ur d-ttuɣaleɣ» , ikemmel tazrat n tisemsawit d usekles anda deg 2011 yerna-d wayeḍ «ḥesbeɣ-tt innu» anda id-yufrar yeṭṭef annar, icennu di tfaskiwin , irmad idelsanen, tijmilin anda yella d amaha i yal tadrut , yella di tfaska n tezlit taqbaylit di yal aseggas , tafska tis n 50 n yiseggasen n tmunent deg useggas 2012 , macci anager taẓuri ula deg yidles amatu, anda yeṭṭef tidukla n tɣiwant , yella d aselmad n uẓawan deg uxxam n yilemziyen ukeffadu acku yewwi-d agerdas n uẓawan deg Lezzayer tamanaɣt «A.N.S.M anda yemlal d mass Kwider Bouzayen. Amahil asaḍar yekcem deg-s anda deg 2013 yessufeɣ-d wayeḍ «Taqbaylit-nneɣ», anda i as-yerra tajmilt i tmeṭtut taqbaylit , nwala-t acḥal n tikkal di tesgilin n tiliẓri taɣelnawt, ugten yisuhar yesεa» deg uḍebsi-a llant deg-s 08 n tezlatin gar-asent «lexyuḍ-im»anda is-yesserkeb tagrart , dɣa teṭṭef» azwil amenzu di BERBER TV , aneggaru deg 2015 win yefka azwel «ibeddel usirem»deg-s llant tezlatin icebḥen ad d-nebder «imawlan-is , urar…. , tura yebda leqdic-nniḍen anda ara yeg tigrarn i tezlatin yecna «clip vidéo DVD»ɣur-s 08 n tegrarin gar-asent «Lexyuḍ-m , zzerb i tmuɣli-m, udem ajdid , imawlan-iw….d tiyaḍ , anda ara tili tfarest deg waggur-a id-yuẓẓan ɣer umnar «Mayyu»ɣur-s amaynut anda yesεa deg waggur n Meɣres-a ttiεad , ad yili deg Yiɣzer Ameqqarn deg wass agreɣlan n tmeṭṭut , di tfaska uderyis di Tifra anda ara as-tuɣal tejmilt i bab-as «Yidir Akfadu» , daɣen di tejmilt n tnaẓurt Crifan n Uqbu deg Sidi Ԑic ….aḍebsi amaynut deg useggas id-iteddun 2017 anda ara yili uɣnib amaynut di ccna d yisental yecban timetti , tayri , …..
Baylache d iziɣer n tẓuri di tmurt n Leqbayel , d tawrikt yesεan azal , ccna-s d tinafusin n tayri i yettawin ɣer thuski n tudert umaray , tamedyazt-is d aɣbalu n tmussni , d izuray yefren di tsenduqt n tayri , tasemmunt-is d snitra n lexyuḍ id-yettaken tizmilin n cbaḥa i yellan si temḍḍirt-is.
Azedine Abdous