‘’Awal ibennu yetthuddu’’, d amud n yisefra i d-tessufeɣ Massa Touati Zoulikha ‘’Hakima’’ ɣer tezrigin ‘’Edition du terroir’’, deg wagguren-agi iɛeddan. Aḥric-a amezwaru, ɣef wakken i d-tura, deg tezwarut, d aseḥbiber ɣef tutlayt timawit i wakken ad taẓ tmaziɣt ɣer sdat, ad d-tecfu tiyaḍ. Deg udlis, llan 35 n yisefra i d-yeskanen yal tama n tudert, yecban : awal, tikkellax, laman, zzher, tamurt,… Mačči d tikkelt tamezwarut i tekcem Massa Touati aḥric-agi n tira imi tesɛa yakan ugar n rebɛa-nniḍen n yidlisen. Taɣuri igerrzen.
Hocine.M