Urɛad ur yekfi unadi ɣef yizuray iɣ d-ğğan lejdud di teglest , d anza d akken llan.Ihi kra n yimdanen nezmer ad d-nini d irekkisen deg lɛerc At Mensur mazal ar ass-a ttnadin , gerrun-d s kra yesɛan asdig , dɣa ussan-a n yimuras xedmen tirekkisent anda id-yusa mass Farid Kherbouche , d anegmi deg ugraw CNRPAH , d anemhal n tirekkisent n tuzuray Geldaman, i d-yerzan di Lezzayer tamanaɣt akk d Djamal Aliouat d aneɣmas n uɣmis « Lwatan » ilmend unadi d usekfel deg wayen yefrendeg At Mensur, ufan-d wid yellan d usligen neɣ yellan di taɣult deg umahil-a anda yella yiwen umnadi Hakim Ferkiwi d win yettnadin ɣef yimeḍqan d wamek id-ferrurin twaculin , yella daɣen Saad Idir d anaẓur , d amedyaz , d aselmad , Sadek Hannat d amedyaz d amnadi ,yella daɣen Ghilas Abdous win yellan deg ugraw atrar “Ithran “ d anazur , ihi agraw-a akk Kaci Mohand Meziane d anegmi , d amedyaz ,zgan d imaha ɣer usekfel deg wayen yefren acḥal leqrun , am wakken llan d isukkar , ttawin-d tilta yal tama , anda ufan kra n yicerfa anda qqaren-d d akken tanica “silex” mazal-itt tella , ufan kra n yiḍɣaɣen deg-s izumal d kra n wawalen ttwawcmen s yes , d adrig , d ayen ur nettwafham , wwin-d yid-sen kra n lesnaf n yiḍɣaɣen ad d-nebder gar-asen “aḍɣaɣ n lemleḥ , aḍɣaɣ n lemsed …llan wiyad mazal ttandin ɣef wassagen-is ,rezzun ɣef tesyar n waman d ufus , yellan anda ufan iɣuraf din id-gerrun d akken ma yettwaxdem neɣ mazal, ufan ibasalen anda twaxdamen s uḍɣaɣ deg-s iteẓẓaḍden ayen yesɛan aman. Ufan-d ɣer tama-nsen aselway n Tɣiwant Ukeffadu mass Haddadou Mhenni anda yefka-asen-d ttawilat , ihi anadi mazal , d asekfel ayen mazal yella , d tifukalin , d izuray ,…
Azedine Abdou