TABATENT– Tenker yiwet n tmes d tameqrant ass n lexmis, deg tezwara n yiḍ, deg lluzin tusligt n usselket (taḥwil) n yigumma (fawakih) d ussenzi n yiẓman n Ngawes, deg tɣiwant n Ngawes d-yusan 80 n yikilumitren deg utaram n Tbatent, ɣef wakken ay aɣ-d-yenna yemkellef n teɣwalt n uḥuddu aɣarim Zouhir Nekaa. Times-a tenker deg lmexzen meɣɣren 21.000 n yimitren imkuẓen (m2), d win aydeg tteffren tanga tamezwarut (madda awaliyya), ɣef wakken ay d-yenna Mass Nekaa, am wakken ay d-ixebber dakken lmexzen-nni maci aṭas aya seg wasmi ay yettwarẓem. 5 n tegrawin n tgermant (tadaxxul) n uḥuddu aɣarim ay d-yusan ɣer wemkan-nni, gar-asent tigget (wiḥda) tagejdant n Tbantent, yernu xedment akken ad ḥebsent times-nni akken ur d-tettḥaz imukan ay d-iqerben ɣer-s. Lluzin n usselket n yigumma d ussenzi n yiẓmawen (ɛaṣa’ir) tessaǧaw sselɛa-nnes ula ɣer wezɣar. 950 n yixeddamen ay ixeddmen deg-s yernu tebda, seg melmi kan, tessemɣar ttawilat-nnes.
APS