Yella-d wass larebԑa d asgiǧǧi n 50 twaculin yellan ttidirent deg ixxamen d iqdimen di tɣiwant n ԑin lԑelwi id -yezgan deg umalu lwilaya n tubiret ɣer yixxamen ijdiden i yesԑan akk ttawilat ilaqen i tmeddurt n umdan , ayagi yekcem deg ahil ixeddmen iwakken ad ksen akk ixxamen ixerben meḥsub d iqdimen bɣan ad aɣlin di tɣiwant , Si tama nniḍen tella d tagnit lferḥ i lfayda n twaculin -agi yellan ttidirent di lmeḥna d lmizirya seg ixxamen-a yettazalen d iḥemmalen n waman d lexsas n wallalen n tudert am trisiti , aman n tisit ayagi akk yerra tmeddurt nsen d taberkant d cedda imi d ixxamen yellan si tallit nni ucengu , asgiǧǧi-agi yella-d s lmendad imḍebren tɣiwant di tegnatin igerzzen mebla ma yella-d cwal neɣ taxessart . Asgiǧǧi-a setreḥbent merra tiwaculin id -yesfayden seg yixxamen ijdiden imi d tagnit ara sen-yeksen leḥzen d cedda- nni iten-ixenqen acḥal d iseggasen-aya .
