Ttidiren imezdaɣ n zwatna di tɣiwant qerruma ibeԑden azal 75 ikilumiṭren ɣef tmanaɣt n tubiret di tegnatin n lmizirya d lmeḥna imi ɣaben wallalen n tudert di taddart-agi yenḥafen ladɣa di tallit nni taberkant , d acu kan leɣyab iṣenfaren i lfayda n twaculin yerra tameddurt nsen yal ass d iɣublan d wuguren ttnernin ayagi akk d imḍebren yuggin ad d-rren tamuɣli nsen ɣer tama-a , am wayen yeԑnan lexsas n waman tisit imi abarraǧ ur yebԑid ara ɣer taddart ameԑa sԑan lexsas deg usafar-a d annect-agi iten-yeǧǧan ttaɣend tiṣiṭirin waman s suma yettawḍen ɣer ssuma 800 , 1200 idinaren , Rnu ɣer yiɣublan nniḍen aseggem n ubrid imi yergel yexsar , Ssuturen tazeqqa n tujya , daɣen axxam n yilmeẓyen , tiẓeɣwa n waddal yemgaraden. Cetkayen daɣen ɣef tnezduɣin n rrif imi tuget n tɣiwanin sfaydent si tedwilin n tnezduɣin ḥaca taddart nsen i yiɣaben , d acu kan akk ayen ttidiren akka maci d tikelt i cetkayen i yimḍebren ameԑna yiwen ur d-yerri s tifrat i yiɣublan , ɣef waya imezdaɣ n zwatna ssaramen melmi ara d-yecraq yiṭij fell-asen s tifrat iɣublan ad idiren di lehna d telwit .
Abdelhak Menas