Ilmend n umulli wis 36 n tefsut Imaziɣen 20 di yebrir 1980/2016 agraw n yinelmaden d yiselmaden n uɣerbaz alemmas Lɛerbi At ɛmer n At Yanni xedmen akk ayen yellan ger yifassen-nsen iwakken ad ssiwden ad ggen yiwet n tmeɣra igerrzen aṭas iwakken ad rren tajmilt i lerwaḥ n widak-nni iruḥen d asfel akken ad teḥyu tutlayt-nneɣ d udles amaziɣ ihi ilaq fell-aɣ yal asseggas ad ten-id-nettmektay. Agraw-a ihegga-d yiwen n wahil d amerkanti. Di tazwara, bdan-d s tɣuri n yiwen n udris « Tafsut Taberkant » s ɣur Belḥuas Tilelli tamekfaḍut n tmeɣra, di tis snat, yiwet n terbaɛt n cna n yinelmaden » Polifonie » cnnan-d tizlit n » Ideflawen » isem-is » Ma tecfam a yatma ? » id ifɣen deg usseggas n 1982, cnnan-d tizlit n Yidir » Tawrirt yettwattun « . Xedmen isteqsiyen ger tneɣriyin n uswir wis ukuẓ ɣef tengayin-a: Tamaziɣt, Tarumit, Taɛrabt, Amezruy, Tussna, Tinglizit, Tusnakt akked Tsengama. Di tayed, ɣran-d kra n yisefra: “Mulud At Mɛemmer « , » A macahu…! « , » Tamaziɣt » akked » Tafsut imaziɣen » Yiwen n ugraw n yinelmaden xedmen yiwet n tceqquft n umezgun id yeqqaren belli lǧil n tura ur yessin ara azal n 20 yebrir; tafsut imaziɣen! Ttɣilin d ass n cdeḥ. Tagrayt n tceqquft-agi tettweṣid imdanen akken ur tettun u rnnekren ara laṣel-nsen axaṭer ay-agi d lɛib. Ɣran-d daɣen yiwen n udris » Amager n tefsut » d yiwen n unsay seg yensayen n Leqbayel, ula d unuɣ yella deg wahil. Inebgawen id yerzan ɣer uɣerbaz d yiwen n ugraw n tiddukla Tafat n umzel d ubddel n yilmeẓyen n Tizi Uzzu. Tarbaɛt n cna rnnan-d yiwet n tezlit taneggarut » Izumal « . Di taggara, nwala-d asiher n lmakla tamensayt d usiher n tussna.Tannemirt s tusda i yakk inelmaden d yiselmaden n uɣerbaz alemmas ɣef leqdic-agi igerrzen. Deg usayrar adelsan » Mulud At Mɛemmer » xedmen asiher n yidlisen d win n tqendyar n leqbayel.
Daḥlal Canez