Ass n ahad 20 deg yebrir imezdaɣ n Tizi wezzu smektan-d tafsut taberkant , 36 yiseggasen aya fell-as asmi tekker deg Tizi wezzu ur neqbil ara tamḥeqqranit d-yellan ɣef tmaziɣt-nneɣ ,anida i ɣlin 117 n yilmeẓẓyen , asmi i ten-nɣan ijerdimiyen mebla akukru,wwin-ten ɣer usekraf nɣan-ten ur xdimen kra n ṭṭer, bɣan tutlayt n tmaziɣt ad tesɛu adeg-is am tutlayin niḍen , ruḥen d asfel si Mulud At Mɛemmer ɣer Germeḥ Massinissa amennuɣ ur yeḥbis ur iḥebbes imi di tmurt n baba-tneɣ d yemma-tneɣ ur aɣ-d-issaḥ ad nekfu awal,tutlayt n tmaziɣt d aẓar -nneɣ , d nnif-nneɣ, ur nezmir ara ad nessusem, yal aqbayli n tidet amek id-yesbeggen lɣiḍ-is wa s timawit wa s tira, aseggas –a am yal 20 deg yebrir tella-d tikli seg tseddawit n Mulud Mɛemmri anida d-usan akk leqbayel ama d isdawanen, ama d inelmaden d yiselmaden, lɣaci d ayen i d aclim ur tettafeḍ ara anida ara t-serseḍ aḍar-ik teddun cennun tizlatin n Maɛṭub Lwennas yeɣlin ɣef tmaziɣt anida s-yeqqar : «; a leɛmer-iw d leqbayel ay d leɛmer-iw d tiyaḍ niḍen, d tezlatin n Ulaḥlu «i tecbaḥ la kabylie mi ara ternu cwiṭ tdukkli , arraw n tlelli ….», d tezlit n Aɛli ideflawen «d ameḥbus di berwagiya…», smektan-d ula deg yiɣerbazen yemgaraden am uɣerbaz alemmas n At Yanni Lɛerbi Mezzani,deg uɣerbaz alemmas n Rǧawna Tact d waṭas n temnaḍin nniḍen yelḥan ama deg Bgayet, Tubiret, ula deg Fransa anida llan aṭas n Leqbayel lḥant ama d tilawin ama d irgazen , akka anect-a yakk d tumert imi tuɣal tutlayt n tmaziɣt d tunṣibt , seg tama, d asmekti n wid yemmuten fell-as ur d –tusi ara kan akka s sshala almi xlan yixxamen , ǧlent tlawin , ggujlen warrac, ttwaḥebsen yirgazen , wwin-itt-id s yidamen yuzzlen ,akka ad yerḥem Rebbi yakk atmaten-nneɣ d warrac-nneɣ d -iḥellan tutlayt n tmaziɣt , yefk tabɣest i wid akk iqeddcen ɣef tmaziɣt d tagi kan i nesɛa ilaq ad neseḥbiber fell-as imi agdud mebla idles am umdan mebla iles , ass-a azekka tamaziɣt tella tella.
Zakia Ben yahia