Am yal aseggas, akukru yettzid ɣef yisekla yal mi ara d-yerzu unebdu imi times tettbeddil udem d yini i tẓegwa. Mazal i d-iḍal unebdu n useggas-a yegla s tmerɣiwt n wacḥal d ttejra di tizi Uzzu.
Ass n lexmis iεeddan, tekker tmes deg Yifiɣa. Ssebba n txessart-a d bab n yiwen n yiger i tuɣ iferres-it, maca afras-agi uɣalen d aḥeğǧağu, di tazwara deg uhicur d tzemrin-is imir tendeh ɣer yigran i as-d-yezzin, ur sawḍen ad tt-ssexsin armi tečča ugar n 300 n tzemrin.
Djamila Ahitaghel