Boussad Touazi d anaẓur i yellan di tlalit deg useggas 1978 di temnaḍt n Lquba di Lezzayer tamanaɣt , uɣalen-d ɣer tama n Igufaf deg useggas 1983, asmi yesԑa 17 n yiseggasen deg uwtay-is tettunefk-as tegnit akken ad d-yexdem abrug di tesgilt (Icennayen uzekka) i yellan ɣef uqerru-is Majahed Hamid s tezlatin-is azal n ukuz , d tidak yura s leḥmala , s unaruz .Di nnuba-a i yelli taɣda n tẓuri-s yugten d tahuski , anda daɣen yexdem tadwilt sɣur Samira Tamekfadut deg usiher (tawwurt telli i ufennan akked n yinebgi) ,yegna aceqqiq n tira s tmedyazt icebḥen, lqayen , yezren di tira d unamek i yellan akkin i tmuɣli. Deg useggas 2000 yunag ɣer tmurt n Fransa , amahil ur yeḥbis , aẓwan yezdeɣ deg yidamen , am uclim yewwi waḍu di tmenzut anda ula d ccna tedda di lǧerra , yexdem tasgilt sɣur Nour Ould Amara fell-as yaԑfu yerḥem di tiliẓri n BERBER TV mbaԑd sin yiseggasen ɣef yinig , yebda yetturar ɣef wallalen uẓawan , ardin , snitra …d wawalen akken ad tmug tmedyazt , iḥerkel-d tizlatin yecban tayri , tamdanit , taflest …yebda yekcem ɣer uxam usekles aya di tmurt di tuɣalin anda llan wid i as-yefkan tallelt akken ad tili tfarest i uḍebsi win yefka azwel (laman) ad d-nebder : Madjid Halit , Nabil Cherifi , Dahmane Bendahmane…..d wiyaḍ , asisen n leqdic-a yeffeɣ-d deg useggas 2014 sɣur teẓrigt Idole , din i yufa ttawil akken ad yexdem assag s ccna-s yecban times mi ara ad d-teǧǧ urɣu , d leḥzen , d aberrug , d lxiq, anda Boussad d win icennun aṭas n yiɣenniben gar-asen Kamal Messoudi ..asiher yexdem-it di Fransa anda inabazen yellan deg wahil-nsen di (Le centre culturel Algérien, la salle concert café de Paeis , la salle le poterme des peupliers ) ddeqs n tzeɣwa yecna ,yella deg lemwaji n yisadaren amedya : Beur film , Radios pays,radion Numidia , Radion Orient, Radion pluriel, ula di tesgilin n tegrarin anda yella di tedwilt n BERBER TV ddunit d afares sɣur Redouan , akked d massa djahida, ula di ssinima yekcem di taɣult anda yella ilmendad d tuddin i tdukliwin, tura yessewjad tagrirt win yefka isem (ZOOM) anda ara tili d tameddurt unaẓur Aqbayli , d lwelha ɣef umecwar ufennan , i win iran ad kkin deg yisura ara ad d-yexdem mass Boussad tiwwura llind ilmend-nwen xersum imeltaɣen neɣ isegbaren , isenfaren d tasenduqt n uwlaɣa anda yiwen uḍebdi deg-s tizlatin yesԑan asdig i teqbaylit d tijmilin i tgejda n ccna-nneɣ Slimane Azem , Matoub , Lhasnaoui , d yisura-nniḍen. Boussad Touazi d win iḥemmlen taẓuri tamatut mačči anager ccna , anda yella taɣult ( aserkeb n twellafin, asali n tegrarin , ….d tidfi-ines , d azwu-ines , d tayri-is, ssut-is d adrar aԑmam i as-yezzin icerfa n umezruy , tayri, asirem , idles,azref , iseɣ , d tawrikt ikesben tusnagt ɣur-s azmul deg uɣnib-is , d tafuɣalt, d agellid n tsusmi, d tinafusin i yellan di tirga ,d adrig, d asugen …
Azedine Abdous