Mazal imezdaɣ n temnadt n cibun i yetabaɛen ɣer tɣiwant n at raced di lwilaya n tubiret tettidir di tegnatin qessiḥen imi rwan lmert d lmeḥna deffir n yiɣublan d wuguren iten-izedɣen di tmeddurt nsen ad as-tinid mazal -iten deg iseggasen n 90 anda ɣaben akk wallalen ilaqen i tudert n umdan yerra d yiwet n taddart yettwaɛezlen yerra ɣaben deg-s iṣenfaren unegmu , dayen yeǧǧan tiwaculin n tama-agi mazal-itent di lḥif d wurfan . Ma yella d iɣublan-a gar-asen abrid yettawin ɣer taddart-a yergel yexsar akk imi ur yeqɛid mazal ar ass-a d wussan ur sɛiwden ara , Rnu s annect-a ulac trisiti iberdan acku teddart-a tezgad gar yidurar yeɛlayen d tẓegwa yerna tettwaɛzal mliḥ ɣef waya iɣellid lxuf ɣer yimezdaɣ ladɣa deg iḍ mi ara d-ɛeddin seg ubrid-a ladɣa deg ussan n cetwa , am wakken ttidiren deg uɣbel n lgaz imi d ugur ameqqran anda ttmagaren lexsas deg usafar-a acku yettili iɛewwiqen amek ara d-aɣen tiqraɛtin lgaz imi ttruḥun tikwal ami d assif lexmis neɣ s at raced ma yella ulac ttruḥun ami d taɣwant leqsar ma d -affen neɣ ala , ayagi imi werɛad isen -yewweḍ uṣenfar lgaz yerra akk timnaḍin yetabaɛen s at raced sfaydent taddart-a werɛad iban ladɣa deg ussan n tegrest anda ttafen lexsas s waṭas imi d yiwen usafar isexdamen i lḥuman , Rnu ɣer yiɣblan iten-yeṭṭafaren ur sɛin ara tazeqqa n tujya anda ara d-awwin imuḍan ɣef waya yesefk ɣef yimezdaɣ ad rzun ama d leqsar neɣ ɣer beclul ameɛa rwan lmeḥna ladɣa ma yeɣlid umuḍin deg iḍ . D acu kan iɣublan- a ur ḥbisen ara kan da imi yella-d wugur n uṣiweḍ meḥsub lexsas n wallalen uṣiweḍ sebba n wannect-a axaṭar taddart-a tettwaɛzal yerra ur tesɛi ara aṭas n yimezdaɣ ladɣa arrac lakul ttafend uguren iwakken ad ruḥen ɣer yiɣerbazen , ur sɛin ara tazeqqa n waddal yemgaraden anda ara leɛben yilmeẓyen xersum d asɛeddi n lweqt , Rnu ɣur-s imezdaɣ mi ara bɣun ad d-xeddmen lekwaɣeḍ ilaq ad ruḥun ama d taɣiwant n at reced imi tebɛed ɣef temnadt-agi acku ulac tazeqqa yetabaɛen ɣer tɣiwant di tama-a ara yesifsen taɛkumt fell-asen , annect-agi akk d iɣublan ideg ttidiren zdat wallen imḍebren iɣaben ɣef wannar uxeddim , dayen yeǧǧan tiwaculin n cibun ssuturen seg iɛeggalen n usqamu aɣerfan ad d-afen tifrat i yiɣublan-a , ssarament daɣen tamuɣli n yimḍebren tɣiwant s tikci iṣenfaren xersum ad tifsis teɛkumt fell-asen ad idiren di telwit d lehna .
Abdelhak Menas