Tella-d yiwet n tmagla tarumit (IVRY SEINE ) i d-yessduklen kraḍ n tdukliwin tidelsanin di tmurt n Fransa, deg wass 10 di mayyu 2016 , xedment-d amahil akken ad gen tirza ɣer tama Ukeffadu ilmend unadi , d agerru n thuski tekseb , daɣen d asmeskel adelsan s tallelt n usqqamu taɣiwant n yilemẓiyen Ukeffadu anda yella ɣef uqerruy-is Mass Ghilas Abdous , ussan-a i tt-id-yessekfel ilmendad n yilemẓiyen, deg-s iԑegaglen ama d tiḥdayinn ama d arrac d kra n yiselmaden d talellt i usqqamu anda yella ufus n uselway n tɣiwant mass Haddadou Mhenni. Ahil d ameẓyan kan ur yelli d anesbaɣur , tanezzayt wwḍen-d s tumert anda i d-yella usterḥeb akken iwata , tella temzikent d tifelwiyin n teklut d inaẓuren imeẓynen n usqqamu , syin asiher di tzeqqa n yilemziyen anda tella tgida yezzin gar-asen Mokrane Guacem d aɣella n tfaska n tafat ɣef tidmi tanmezrayt d yidles ɣef tmurt n Leqbayel , d aneɣmas , aselway n tɣiwant , aselway n usqqamu n yilemẓiyen , d yiԑeggalen n tmagla (IVRY SEINE) gar-asen mass Gérard Fenoy , syin tagnit tecbeḥ n terbaԑt n ccḍeḥ n Leqbayel , d tijeğğigin n tefsut , d tisekkrin iḥerqan anda llant yid-sent tselmadin n tmaziɣt.Fɣen-d di tzeqqa ẓran-d imukan di tlemmast n tɣiwant ama d aɣerbaz n uẓawan ‘’Youcef Abdjaoui» tamkerḍiḍt n tɣiwant , taddala n waddal…. Ar deqqal d imekli s seksu n Leqbayel deg uɣerbaz amezwaru n Tzemmurin , d asrad , d tagmat , d tadukli , d iseɣ…..asenfel n adelsan , d asenfel uniwel , yella-d akken iwata anda imbiddalen tiktiwin , tutlayt , idles , tarrayt i yirmad idelsanen , yezri akken iwata urmud-a anda i d-tella tmussni , abeddel n tiktiwin, abeddel n yiḥulfan ….
Azzedine Abdous