Farid MALKI: ini-as, ini-as

Partager

“I nes ines’’, d azwel n Album ajdid n Farid MALKI ara d-yeffɣen deg ussan-agi i d-iteddun ɣer tezrigin ‘’Akbou Production’’. D tikkelt tis snat ara yessekles ucennay Farid Malki, mebɛed mi d-yessufeɣ, yakan, Album-is amezwaru iwumi yefka isem ‘’Le matérialiste’’. ɣef wakken i aɣ-d-yenna, imeslayen d uẓawan n tezlatin-agi d imaynutin mačči d ayla-s, d wiyaḍ i as-tent-id-ixedmen. Netta, yecna-tent kan. Isental n tezlatin tezzin ɣef tayri d wayen swayes i d-tgellu. Ma d aẓawan d axfifan yekka-d seg tgemmi taqbaylit s wallalen-agi n uẓawan atraren. Farid MALKI, am netta am yinaẓuren-nniḍen, yesḥassef aṭas ɣef wanda tewweḍ liḥala n lbiɛ n yiḍebsiyen-agi n ccna imi i d-yettili le “piratage” n les CD deg Internet, ɣef wakken i aɣ-d-yenna. Ayen yessefcalen u yettruẓun afud i waṭas n yinaẓuren, ɛlaḥsab n tmuɣli-s. Am wakken yessaram ad yeg timeɣriwin deg waggur-agi n Remḍan i wakken ad d-yessifrir tizlatin-agi-ines tijdidin.

Hocine.M

Partager