Mazal ar ass-a taluft n lexlas n tfaṭurin n trisiti tettenfufud. Deg yiwen n usarag i d-yellan deg yimalas yezrin, imḍebber amenzu n tkebbanit-a deg twilayt n Tubiret yefka-d yiwen n rrabul lqayen ɣef liḥalat tettidir tmehla i yessedduy. Ɣef leḥsab n yimeslayen-is, azal n 43 n yimelyaren n yidinaren i tettalas tkebbanit, d tadrimt i yesɛewqen acḥal d asenfar. Awal wwint-id yimḍebbren n tamiwin n Tubiret, yal wa seg tama-s, anda i d-fkanleḥsab n tfaṭurin ur nettwaxelles ara. Maca, amur ameqqran tewwi-t tama n M’chedallah anda kra n tudrin bubbent ṭṭlabataẓayant. Tigi d tid i iḥuzant tedyanin n tefsut taberkant mi akken gguman yimdanen ad xellsentifaṭurin-a. D yiwen n rray i ikemmlen almi tuɣal ṭṭlaba tekka nnig n tezmert n yimezdaɣ. D acu kan, ɣef leḥsab dima n yimḍebber-a, aṭas n yimdanen i d-ibeggnen lebɣi-nsen i wakken ad xellsen tifaṭurin-a sujrad n yiwen n letfaq ara yilin i lmend n tezmertneɣ ahat n tjarnant n umezdaɣ.
S. M