Imezdaγ n taddart n Ṣwamaε s lemεawna n tesqamut n taddart akked tiddukliwin tesεa, theggin ad-sdarin tazrigt tis 13 n tfaska ḥkku-d Taẓuri “Raconte-arts», s usentel « Ales-iyi-d Tagelda n Kuku « ara yeldin tiwwura-s s wudem unsib ass n 24 yulyu id-iteddun, d leqdic ara yeddun γef teγzi n 08 n wussan almi d ass n 31 deg aggur ideg nella. Tafeska-agi tsuddes-itt-id tdukla n tẓuri n sinima n Tizi Uzzu, s lemɛawna n UsEQqamu aγerfan n ugarzu n Tizi-uzzu, imḍebren n tγiwant n Ṣwama&epsilon,; tasqamut n taddert Ṣwamaε d tidukliwin tesεa, akked yimezdaγ n taddArt-a. Imḍebren n tfaska-agi ussan-d acḥal d tikkelt γer taddert n Ṣwama&epsilon,; anda imlalen d yemḍebren n taddert-agi akked yimezdaγ-is, anda id-mmeslayen ɣef wamek d-yettili uheggi n tfaska-agi.Iswi n temlilit-agi, d aheggi n wannar n leqdic akken imdanen ad gzun amek d ttilin wussan n tfaska-agi, syen ḍelqen-d ahil n leqdic d tegnatin ideg ara yeddu. Tafaska n useggas-a ad-ttekin deg-s nnig n 250 n yinaẓuren izzayriyen, d wazal n 50 n yinaẓuren n tmura n lbarani am Tunes, Palistine, Surya, Lubnan, d fransa. Ger inaẓuṛen ara yillin di ttiεad n useggas-a, tanaẓurt Sylvie Vieville n tmurt n Fransa akked unaẓur Jorus Mabiala n tmurt n Congo yettidir di tmurt n Fransa. Ahil ig ttewjarden d amesbaγur, anda llant temzikniyin yemgaraden, isaragen, isura, ticeqqufin n umezgun, timucuha, tamedyazt, ccna, timliliyin, uraren deg yiberdan akked yizenqan. Iswi n tfaska-agi d asnerni d unegmu n yidles amaziɣ akked tfriqt s umata d wuẓẓu n tayri deg ulawen yemdanen, asebγes n tẓuri d i tudrin leqbayel, aẓeṭṭa n tegmatt ger yegduden d usbedi n tqendyar ger tmura n wager akkal.
Islam Bessaci