Taẓrigt tis 5 n miss kabyle, tettili-d yal seggas ilmend n tewurt useggas n yimaziγen ass n umenzu n Yennayer. amzizwer n useggas-a yella-d deg wennar n tmeγra id-yezgan deg temdint tamaynut n Tizi-Wezzu. Taqiḍunt ideg-id heyyan leqdic ur teṣaweḍ-ara ad-tawwi tilmeẓyin mara id-yusan ilmend n tfaska-agi. Azal n 20 n Timzazwarin i iran ad tekkint deg Timzizwert-agi, maca ala 17 id-yusan deg yal tamnaḍt n tmurt n leqbayel, Bgayet, Tizi-Wezzu D tubiret. Imḍebbren n Miss Kabylie i fernen ass n Yennayer i wakken ad gen tameɣra ideg ara tettwafren teqcict yufraren di thuski (ṣṣifa), deg tikil d wadduy. Aseggas-agi yerna-d ccerṭ amaynut : ilaq ad tissin ad temmeslay taqvaylit akken iwata, rnu γef waya ilaq ad-tesεu aswir yelhan deg ulmud (un bon niveau d’études).
Taqcict tamenzut id-yufraren i lmend n teẓrigt tis 05 n Miss Kabyle d tamsiwt Lydia Allouche, yelli-s n bgayet deg temnaḍt n Sidi-Σic. Taḥdayt tucbiḥt neγ lalla-s n tullas tesɛa 22 n yiseggasen deg laεmer-is, d-tanelmadt deg-seggas wis-sin deg Azref (le droit) deg tsedawit n Bgayet Teḍfer-itt-id deg wemḍid wis sin, tamsiwt Layla Megherbi n temnaḍt n Meqleɛ tama Tizi Wezzu tesεa18 iseggasen deg laεmer-is, ma d ttis krad d Anissa Kechadi n temnaḍt n Iwaquren tama n Tubiret, tesεa 24 iseggasen deg laεmer-is.
Taẓrigt tis (06) n Miss Kabylie n useggas d-iteddun, 2011, d tin ara d-yilin di Bgayet, ɣef akken i d-yenna Feriel d Mourad Ait Ahmed, imassayen ɣef Miss Kabylie.
Islam Bessaci