Iwakken ad ddun deg ubrid I d-nejren yakan ɣef uḥareb n tikreḍt s wudmawen-is yemgaraden, iɣallen n laman n Lhachimia ssawḍen deg yimalas yezrin ad gen talast I yiwet n terbaɛt yetjaren s lehyuf. Tlata n yimdanen I yettutahmen deg taluft llan teddun deg yiwet n tkerrust mi akken I d-yewweḍ lexbar-nsen s wacu I ixeddmen d wayen yellan yid-sen. Dɣa d tagnit I yiɣallen n laman I asen-yendin yiwet n tqerract ideg d-ɣlin. Di tazwara yella-d unadi n lekwaɣeḍ, mi ɛeddan s anadi n tkerrust, ufan 08 n yigramen n lehyuf d 80 n tkinatin n ṣṣenf “Rivotril” yessufuɣen amdan seg leɛqel-is. Din kan dɣa I ten-id-ssawḍen s anda ara ten-steqsin, imir sɛeddan akaram-nsen ɣer uxxam n ccreɛ. Mi wwḍen ɣer yimwekkel n ddula, igzem-itt deg rray iwakken ad yerr yiwen s leɛḍil ɣer lḥebs am waken I iserreḥ I sin nniḍen.
Smail. M