Mazal ɣer Yicawiyen, ar ass-a, yiwet n lɛada i xeddmen deg lɛid tameẓẓyant. Xas ulamma aṭas deg-sen ur ẓrin ara ansi i d-tekka tsisrit-agi, meɛna tasuta tettaǧǧa-tt-id i tayeḍ.
Ihi, yal mi ara yemzl ikerri, ad d-yeddem ubabat alemsir-nni, ad yesfeḍ yis-s udem-is. Syin ad t-yefk i mmi-s ameqqran i wakken ad yexdem am baba-s. Akken alamma ɛeddan-d akk iɛeggalen n twacult : xeddlent ula d tilawin. Acu kan, amur ameqqran, ttgen mebla ma ẓran azal-is. Ɣef wakken i d-nnan kra, lɛadda-a, tesɛa assaɣ akked ugellid Aksil (Kossaïla). Asmi i irefden tagelda mebɛed Dihia, ssemlalen-t akked OkBA, winna i d-yewwin aɛraben ɣer tmurt n ugafa, kra n lweqt mebɛed amennuɣ mgal-is. Yeḍleb Okba deg Aksil i wakken ad yezlu u ad yazu ikerri. Aksil, ur yebɣi ara, yenna-as ad t-xedmen yiqeddacen. Acu kan, iḥettem Okba fell-as i wakken ad t-yexdem. Ihi, yexdem-it Aksil berra n wul-is. Mi yezla ikerri-nni, yesfeḍ tamart-is s yidammen-nni. Yella yiwen dinna, yefhem tamsalt-agi n usfaḍ, u yenna-asen d akken d tamsalt n ttar. ¨hedret-it-id kan ad d-yerr ttar. Dayen i yeḍran. Kran kan n lweqt, inuda Aksil ɣef Okba, dɣa yerra-d ttar-is : yenɣa-t. D tidet neɣ tamacahut, lḥaṣun akka i tt-ḥekkun.
Hocine.Moula