Ad yeldi ubrid ameqqran ara icudden gar lwilaya n Bgayet ɣer ubrid ameqqran si tama n uḥnif di lwilaya n tubiret I yeqqnen gar usammer d umalu n tmurt n lezzayer, ɣef teɣzi n 1o5 KM. Aḥric amenzu deg usenfar-agi, yekfa. Azal 41 km di lecɣalat, wwḍen ɣer taggara di tama n umalu n lwilaya (seg Uqbu almma d aḥnif). Drus maḍi i d-yeqqimen, mazal kan azerreb d usufeɣ n waman n yiɣezran. Deg wawal i d-yefka unemhal n usenfar-agi Mass Afir ddurt yezrin ɣef lemwaji n radyu summam, yenna-d : ‘’aḥric yeṭṭfen gar Tḥaracet di tama n Uqbu almma d Aḥnif, ad yeldi di taggara n furar, ma yella liḥala n tegnewt ur teqlib ara, ur d–txelleq ara laɛdil i tkubaniyin n cinwa deg umahil-nsent. Ma d aḥric wis-sin, iɣzer ameqqran almma d tamdint n Bgayet, mazal ttkemmilen lecɣalat deg-s. Ahat alamma d aseggas 2018 ara kemlen”.Tulya n uḥric–agi, ad yeqqim d asirem ameqqran n yimezdaɣ n lwilaya n Bgayet, acku ad yessixfen taɛkemt ama ɣef yiminigen neɣ ɣef yimenharen i ileḥḥun deg ubrid-agi yal ass, am wakken ara yessishel asiweḍ n d usufeɣ n sselɛa gar luzinat n temnaḍt n Tḥarract tama n Uqbu akked lwilayat-nniḍen n tmurt. Anect-a, d ayen ara yefken afud i yemɛalmen d yimawlan n larzaq I wakken ad snernin deg usefti di temnaḍt n Summam d tdamsa n lwilaya n Bgayet s umata.
B.Benhamouche