Wid akk yettidiren i qerben ɣer umaḍal n tzizwa, seg yimrebbiyen-nsen ɣer medden i tetten tamemt, gren tamawt amek yewɛer taggara-a, ad tafeḍ tiẓeḍt i d-ixeddem ubeɛɛuc-a aseɛdi. Am wakken yewɛer ugar, akken ad tt-id-taɣeḍ, abeɛda ɣur kra n yiterrasen. Aɣilif amenzu, n tuqin n tamemt, yekka-d seg tallit-a i nettidir gedged, ideg tettheggi tegrest i tuffɣa, tettqarab-d simmal tefsut, tasemhuyt n tzegzewt d yijeǧǧigen i beqqunt tzizwa. Awal n kra n yimrebbiyen n tzizwa yezzi kan ɣef waya; ur d-tettili aṭas n lɣella deg tegrest, armi tettxussu deg yal amḍiq n yidurar. Ma yella d ugur wis sin n teɣlayt n tamemt, ula d win icudd ɣer wayen i d-glan wayyuren-a yezrin, imi aṭas seg wid yesɛan tamemt senzen-tt deg umwan iɛeddan. War ma nettu wid i itekksen i yiman-nsen. Ihi mi ulac-itt, yewɛer ad tt-tafeḍ, teggra-d kan ad teɣlay. Tettawaḍ ssuma-s ɣur kra n yikerrazen armi d 7000 n yidinaren i ukilu. Seg tama-nniḍen, ur yeǧǧi lḥir wid yennumen tamemt, ɣef wamek ara afen tamemt taqurant. Imi imɣaren-nneɣ qqaren-d: ‘’akken ad d-fkent tzizwa tamemt yelhan, ilaq ad ksent aṭas deg lexla, ur ilaq ad asent-tettakkeḍ aṭas n ssker’’.
M. K.