Ass-nni n sed 18 deg waggur n meɣres, deg uxxam n yidles Lmulud At Mɛemmer n Tizi Uzzu, tuɣal-as tejmilt meqqren i yiwen seg tgejda n ccna azzayri, wagi d Mass Cheikh El Hadji Abdelkrim Dali. Sɣur waṭas n yimsuddsen gar-asen: Tisbeddit irefden isem-is, Tanmehla n yidles n lwilaya n Tizi Uzzu, s talellt n Tiddukkla tadelsant “El Amraouia” n Tizi Uzzu akked d Tiddukkla tadelsant “La Cordoba” n Lezzayer Tamaneɣt, s lemɛawna n uɣerbaz amniḍan n tẓuriyin igerrzen n Azazga. Asmekti-agi wis 39 n tmettant n unaẓur-agi ameqqran Abdelkrim Dali, yebda s wudem unṣib ɣef 10h deg uxxam n yidles n Tizi Uzzu, s yiwet n temsikent n tugniwin d yimagraden yerzan afennan-agi mucaɛen. Syin akin ɣef 10h30 imeslay-d uselway n tesbeddit yewwin isem-is, syin ɣer-s d tanemhalt n yidles i d-yefkan awal-is. Ma ɣef 10h40 yella-d usenɛet n yiwen n usaru, i d-yewwin awal ɣef tudert d yimuhal n ucennay-agi. Γef 11h d asawen, yella-d yiwen n usarag, sɣur Mass Ben Dameche Abdelkader deg tzeqqa tameqqrant n uxxam n yidles, syin d asenzi s ubuddu n udlis-is “Vie et Oeuvre”. Ma deg tmeddit n wass, tella-d tmeɣra n ccna, sɣur snat n tiddukkliwin tidelsanin i yettekkin deg uheggi n leqdic-agi, tigi d “Amraouia” n Tizi Uzzu akked “La Cordoba” n Lezzayer Tamaneɣt. Ma ɣef 15h30, tella-d tmeɣra n taggara s tukci n yigerdasen n usebɣes i wid akk yettekkin deg usmekti-agi.
Adaoun Abdel Ghani