Tidukkla tinmettit n yimeɛḍar d yimuḍan idumen «Tiɣri», n tɣiwant n Ayt Smaɛel deg Bgayet, mazal tettkemmil deg leqdicat-ines yelhan i lmendad n tecriḥt n yimuḍan, neɣ n yimeɛḍar, deg temnaḍt-a. Ussan-a kan i iɛeddan dɣa, thegga-d armud-nniḍen i lmend n wass agraɣlan n uḥesses ɣef tdawsa n uqemmuc d tuɣmas. Imi d imi n umdan i d llsas, d amḥaddi ɣef tɛebbuḍt-nneɣ. Deg ttiɛad-a, d tifsarin n tdukkla Tiɣri i d-yettwasersen tazwara. Syin akkin yewwi-d Mass Salamani yiwen n usarag ɣef usentel-a, s yisem-is dɣa d amsujji n tuɣmas deg sbiṭar n Xerraṭa. Kra n lweqt daɣen, yemmug-d usarag-nniḍen sɣur temsujjit n tuɣmas, Massa Cuder. Deg ukemmel n wahil-nni, ḥeḍren wid i teɛna temsalt i uḥanu (atelier) s uzwel: « Aqemmuc adawsan deg yal leɛmer ». Mbeɛd turart n teḥruci d ufraq n kra n tferrawin i yimecṭaḥ i useɛlem ɣef wazal n uqemmuc mi ara yili yezdig, yusa-d lawan n tikci n warrazen i wid irebḥen d kra n dduzan i yimeɛḍar, ladɣa ticeryulin. Afud igerrzen i Tdukkla Tiɣri, nessaram ad tkemmel akka deg ubrid-a aseɛdi.
Kaisa Khalifi