Deg ddurt-agi yezrin i d-yeffeɣ wammud amezwaru n yisefra n umedyaz acawi Mass Aghougali Younes iwumi ifka azwel Taɛric i d-yeffɣen ɣer tezrigin «Tamagit» n lwilaya n Tizi Uzzu. D wagi i d adlis amezwaru ara d yessuffeɣ uselmad-agi n teglizit, mmi-s n Xennecla. D ammud ideg yerra tajmilt deg yisebtaren imezwura n udlis-agi, i umaru ameqqran d urgaz n umezgun Kateb Yacine. Gar yisental iɣef i d-yewwi awal deg udlis-agi n 40 n yisefra s tcawit, ad naf : izerfan, aẓawan, tannumi, asirem, tayri, iḥulfan, tudert, ccbaḥa n Uwres, agamma, tazemmurt,…atg. D adlis n 108 n yisebtar, azal-is 250 Da. Ma d tazwart ixdem-as-tt Mass Hassane Hahrouche , d aselmad asdawan deg Bgayet. Taɣuri igerrzen i yimeɣriyen, afud iǧehden i yimeskaren.
A.A