Ass-nni n lǧemɛa i d-eyyfeɣ album amynut n ucennay ameqqran Idir iwumi yefka isem ‘’Ici et ailleurs’’. Gar 11 n tezlatin-agi tijdidin, yecna 9 akked d icennayen mechuren deg ddunit, ladɣa wid-nni icennun s tefrensist.
Tizlatin i d-yerra ɣer teqbaylit umedyaz ameqqran Ameziane Kezzar «Yefka-asent anamek i asent-iwulmen s teqbaylit» i d-yenna Idir . Akka ara naf tizlit ‘’La Bohème’’ n Charles Aznavour i yextar idir imi tessuzen-it asmi meẓẓi. Ma tizlit ‘’Corrida’’ n Francis Cabrel, yeddem-itt imi tettak cbih ɣer uẓawan n Caɛbi ɣef wakken i d-yenna. Tizlit ‘’Matins d’hivers’’ n Gérard Lenorman, yefren-tt acku d asentel i iɛac ucennay Idir. ‘’Tettmeslay-d ɣef udfel deg cetwa. Ula d nekk leḥḥuɣ deg udfel asmi ttruḥuɣ ɣer lakul’’, akka i d-yenna Idir deg yiwet n tdiwennit i yexdem akked yiwen uɣmis. Ɣef wakken iwala ucennay Lenorman, Leqbayel d imdanen igerrzen, iḥemmel aṭas aẓawan n Idir. Ula d tizlit n Patrick Bruel, yextar-itt imi teqqen ɣer tmurt n leqbayel. Tizlit ‘’Les larmes de leurs pères’’ n Patrick Bruel, tewwi-d ɣef tefsut n Tunes. Imi ula d tamurt n leqbayel tesɛa tafsut taberkant, ihi yefren-itt Idir ɣef usenta-a, ɣef wamek i d-yenna. Ula d Patrick bruel i yellan d Amaziɣ, yefreḥ imi yewwi idir yiwet deg tezlatin-is, yenna-d : ‘’Ferḥeɣ aṭas imi yextar yiwet deg tezlatin-iw. D timlilit n Uqbaylit akked Umaziɣ. D ayen igerrzen, d tagmat i yemlalen». Ula d tizlit n Bernard Lavilliers, tettwafren-d imi tesɛa assaɣ akked tmagit tamziɣt. ‘’On the road again’’, tettmeslayt ɣef tmurt Irland. Tesɛa assaɣ d ameqqarn ɣef umennuɣ-nneɣ ɣef tmagit i wakken ur tneger ara’’, i iwala idir. Ɣef wayen yeɛnan tarbaɛt Tryo, yenna-d Idir dakken tizlit ‘’Hymnes de nos compagnes’’, thuza-yi aṭas imi tettmeslay ɣef ugama. Ma d tizlit ‘’Avancer’’ n Garnd Corp malade, d netta i as-tt-id-yessumren. ‘’Né quelque part’’ n Maxime le Forestiers, yextar-itt imi igerrez uḍris akked uzawan. Deg aggara, ‘’Lettre à ma fille’’, nnan-as-d fell-as yimḍebbren n uxxam uɣur yesseklas tizlatin-is. Yextar Idir ad yecnu akked yicennayen-agi i wakken ad yessali ccan n tmurt n leqbayel. Ma ɣef yisem n album, yenna-d Idir, niqal nnan-iyi-d ad as-nsemmi Racines, acu awal yezga deg yeṭṭafar-iyi-id deg umecwar-iw, acḥal-aya. Syin, nwala ‘’Ici et ailleurs’’ i iwulmen ugar imi nekk n da, kkiɣ-d dihen.
Hocine Moula