Aẓar yettabaɛ tara-s akked D ulaqrar ad yali wass , d sin yizwal textar tmeskart Massa Hammadi Fatima, i sin yidlisen-is imezwura. D snat n tmucuha s teqbaylit, d asugen i tent-id-sugen i snat. Yal yiwet deg-s ayen din d isefra d wawal icebḥen. Idlisen-agi i d-yeffɣen deg ussan iɛeddan, tessazreg-iten-d i sin ɣer tezrigt «Dar El Khaldunia», s tezwart n uduktur Said Bouizri». Timucuha-agi i snat d idlisen n 64 n yisebtar, yeswan s wazal n 150Da. Adlis amezwaru, «Aẓar yettabaɛ tara-s», tewwi-d deg-s awal Massa Hammadi Fatima, ɣef yiwet n twacult ur nesɛi ara dderya deg tazwara. Yuɣal yerna ɣur-sen yiwen n uqcic, d ayen kan i d llufan yerna deg lɣiba n baba-s. Yedda deg ubrid n baba-s ; d ayen i t-yeǧǧan ad yeṭṭef deg lḥerma d nnif, tirugza diɣen. S wakka yettak anzi ɣer baba-s iɣaben ɣef wallen-is. Daymi i d as-tefka tmarut-agi azwel-agi «Aẓar yettabaɛ tara-s» i tmacahut-agi yelḥan mliḥ.
A. A.