Tiddukkla n yimuḍan “Hémodialyses” n tɣiwant n Tizi Uzzu, thegga-d ass wis sin n useɛlem d uwllah ɣef waṭṭanen n turin, i d-yellan ass-nni sed 6 seg maggu 2017, deg tzeqqa tameqqrant n uxxam n yidles Lmulud At Mɛemmer n Tizi Uzzu. Meslayen-d deg-s waṭas n yimejjayen uzzigen deg lehlakat n turin, i d-yusan seg ulmis asdawan n tujjya “ssbiṭar” Mohmed Nadir n lwilaya n Tizi Uzzu. Fkan-d ddeqs n yisragen ideg i d-wwin awal ɣef lehlakat-agi, ansi i d-ttkken, d wamek i yellaq ad asen yebɛed umdan, neɣ amek ara ten-ilawi. Fkan-d diɣen aṭas n yiwellihen i yimuḍan n waṭṭanen-agi, am wakken diɣen i d-rran ɣef yisteqsiyen n yimuḍan n lehlakat-agi yettaɣen turin n umdan.
Taceqquft n umezgun “Tawrnet n tiḥerci”
Tiddukkla tadelsant n uxxam n yilmeẓyen n Yakourene, turar-d ass-nni n sed 6 seg maggu 2017, ɣef 14h00 n tmeddit yiwet n tceqquft n umezgun deg uxxam n umezgun amniḍan Kateb Yacine n lwilaya n Tizi Uzzu. Taceqquft-agi n umezqun i d-uraren 8 n yilmeẓyen, gar-asen Nordine Maouchi i d-yuraren d awadem agejdan deg tceqquct-agi. D aḍris yura urgaz n umezgun azzayri Kateb Yacine s tutlayt n tefransist s uzwel “La poudre d intelligence” i d-yerra ɣer teqbaylit u yexdem-it ɣef usayes Mass Houche Salah, s uzwel “Tawrent n Tiḥerci”, ma d aẓawan n tceqquct-agi iɣenna-tt Mass Tahir Moh.
Amazigh Ghani