Γas ulama Izegzawen ḍeyεen aṭas n tegnatin i sen-yettunefken akken ad awin iswi n rbeḥ γef terbaεt n Legniz maca imyuraren qessren akken ilaq. Akk wid iferǧen timlilit tεeǧben deg afud i d-fkan deg unnar yemyuraren yecban: Haliche, Buguerra d uεessas urzin Raïs Mbolhi. Imnasren n Yizegzawen tqenεen s ugemmuḍ n ulac γer ulac,imi ssawḍen rẓan lqid-nni n tugdi n terbaεt yecban Legniz imi tarbaεt-a tesεa amezruy meqqren deg tkurt n uḍar. Ladγa ḥaca i tekfa temlilit aṭas i d-yefγen γer yiberdan akken ad sbegnen lferḥ-nsen. S wakka yuγal-d usirem γer yimdanen akken ad yili rbeḥ γef terbaεt n Marikan deg temlilit ara d-ijemen yid-s Izegzawen, slazekka ( ass n larebεa 23 deg agur n yunyu ). Afud igerzen i Terbaεt-taγelnawt.
Mokrane Chikhi