Armi d tura i d-baben wuṭṭunen yerzan ikayaden n taggara n useggas, deg kraḍ n yiuswiren yemxalafen deg temdint n Tizi Uzzu.
Yetturaǧu i ukayad n taggara n uswir amenzu 5e ara d-yilin ass n 24 deg waggur n maggu 2017, ad sɛeddin wazal n 16305 n yinelmaden, gar-asen 8495 d arrac d 7810 d tullas, ad sɛeddin deg 371 n wulmisen n yikayaden. Ma d win n taggara n uswir n ulmud alemmas BEM ara d-yilin gar 04 ar 06 seg waggur yunyu, ad t-sɛeddin wazal n 13799 n yinelmaden, gar-asen 6550 d arrac akked 7239 d tullas, ad xedmen ikayaden-agi deg 50 n yiɣerbazen ilemmasen. Ma d win n taggara n uswir n tesnawit neɣ ayen iwumi qqaren BAC ara d-yilin gar 11 ar 14 deg waggur n yunyu, yetturaǧu ad t-sɛeddin wazal n 20955 n yisnawiyen, gar-asen 8754 d arrac mad d 12201 d tullas. Ad xedmen akyad-agi deg 70 n wulmisen n yikayaden. Ilaq ad d-nini belli wigi ijerden iman-nsen ɣer ukayad n Bac, llan deg-sen 14900 d inelmaden iɣurbizen (yeqqaren deg tesnawit), llan wazal n 6055 n yinelmaden imunan. Ma ikayaden n waddal ama d win BEM neɣ d win BAC, yuɣ lḥal sεeddan-ten yinelmaden deg yiɣerbazen-nsen am useggas iεeddan. Ma d akayad n taggara n uswir amenzu 5e n useggas aɣurbiz 2016 / 2017, ad t-sεeddin yinelmaden deg yiɣerbazen-nsen anida qqaren, mebla ma rzan ɣer yiɣerbazen-nniḍen, am wakken xedmen deg useggas yezrin.
Ghani Amazigh