Ǧerǧer, d yiwen gar yidigan i icebḥen aṭas deg tmurt n Leqbayel d tmurt n lezzayer s umata. Yezga yessa udrar-is s udfel am uberrnus amellal. D netta i d adrar aɛlayan deg tmurt n leqbayel. Taqacuct taɛlayant deg-s d “Lalla Xdiǧa” tesɛa 2308 n lmitrat deg teɣzi. Adrar n Ǧerǧer, deg tsemhuyt n tegrest isemmeḍ mačči d kra, ma deg unebdu yettili ubeḥri semmḍen yettakken ddwa i umuḍin. Abrid i yettawin ɣur-s d udyiq, yenneḍ am uzrem yerna wezzil. Mi ara tettaliḍ ɣur-s, ad d-temmagreḍ kra n yixxamen d imecṭah. Ala tizegzewt ara tettwaliḍ, yella dinna yiwen n unnar n waddal i yineddalen. Γer unẓul, tella temdint n Micli, i izeynen ula d nettat. Mi ara truḥeḍ d akessar, ad ak-id-qabel temdint n Tubiret. Γer tama-s, tella teẓgi n Tikejda, anida ksen lmal-nsen yimezdaɣ n dinna. Deg tefsut, ur tettafeḍ ara anida ara tesserseḍ aḍar-ik, imi rezzun yimdanen seg waṭas n lwilayat n tmurt-nneɣ, i wakken ad walin tahuski n udrar-agi yerna ad sgunfun, u zemmren ad uraren ula s udfel, imi arma yebda unebdu i ifessi akk.
Ketteb Manel