Aql-aɣ deg tallit ideg ttwalint wallen agdil (écran) deg yakk tamiwin. D ayen i d-tewwi tetiknulujit i yelḥan ɣer sdat iseggasen-a ineggura. Armi tura, ula d igerdan, sawḍen ad ṭṭfen gar yifassen-nsen tilifun, taṭabliḍt neɣ aselkim. Seg tama n tmussni, ad naf d zzman i d-yessuturen aya. Yelha-as i ugrud acu kan i kra n wakud i wass, ma yella yettwaɛus sɣur yimawlan-is s ubaḍi amarwan, neɣ ayen iwumi qqaren s tefransist (le contrôle parental). Ma yella seg tama n tdawsa n yigerdan-a, iban-d d akken agdil d aɛdaw amezwaru n wallen. Ma ur ifaq ara yiwen amek ara yessemres asagu-ines (appareil) d melmi ara t-yesseqdac, yezmer ad d-yeglu s txessarin, abeɛda i yiẓri. D ayen iɣef mtawan dɣa akk yimussnawen d yimsujjiwen deg umaḍal. Imi ɣef wakken i d-wwint tezrawin i yemmuggen ɣef ddemma n waya, yessefcal ugdil allen n umdan s umata. Maca d agrud i yenṭerren d amezwaru imi d ileqqaqen yinzizen n yiẓri-s. Ɣef waya yewwi-d ɣef yal ababat d tyemmat, ad ḥadren seg taluft-a n usawal i yigerdan.
M. K.