Tiddukla »Le Petit lecteur’’, theggad yiwet n temlilit n uselmed n tmacahut di tedwit-is tis snat si 19 ar 24 yulyu 2017, anida i d-ruḥen aṭas n yimdanen si yal twilayin n tmurt. tennulfa-d tdukla-agi deg useggas n 1993. Xedmen ɣef ttrebga d ydles. Gar yiswiyen n tiddukla-agi, ad naf : aqselmed n tɣuri i warrac, tamussni n yidles n umaḍal, axxemem yemxallafen, ales n tmucuha tiqdimin, aḥareb ɣef tgemmi tazzayrit d useḥbiber ɣef ccfawat d tmucuha si tatut. Aṭas n tdukliwin id ḥedren i iḥeḍren timlilit-a, gar-asent : Tiddukkla n ‘’ Itri adelsan – Aqbu – Bgayet ‘’, ‘’Axxam n tgemmi », tidukla ‘’ El Muwaḥidiya Nedruma- Tlemsan ‘’, tidukla ‘’ Bel horizon ‘’ n Wehren, Agraw n tsekla ‘’ Tira Tura ‘’ Axxam n yilmeẓyen n At Yanni – Tizi Uzzu. Heggan-d yiwen n wahil s wazal-is i ddurt n uselmed n tmacahut. Di tazwara, bḍan agraw-nni n yilmeẓyen ɣef sin n yiḥricen : Aḥric n tmucuha d uḥric ajmaɛ n tmucuha. Ass n ahad 19 yulyu 2017, agraw-nni n uḥric n tmacahut, bdan almud di « l’Institut Français » akked uselmad Atunsi Xaled Cennan, ixeddem deg umezgun d walles. Xedmen iluɣma n tmussni gar-asen akked yiluɣma n ‘’dynamique’’. Ma d ass n 20 di yulyu, xedmen iluɣma n uneffes d wid n ssut, iluɣma n umeslay s usɣal d walles s tsuɣelt. Agraw-nni n uḥric n ujmaɛ n tmucuha, lemden timsirin ɣef unujmuɛ s umata, asiwed n tmucuha seg yimi ɣer umeẓẓuɣ d ubeddel, lwajeb n unallas. Aya, yeḍra-d akked d Massa tanallast Ğamila Ḥamitu. Akka tiddukla n ‘’ le petit lecteur », fkan tagnit i yal win i ittekkan deg uselmed-agi n tmacahut, ad ilmed tifukkestin ( techniques) n Tẓuri n tmacahut u ssaramen, ad ssufɣen atas n yinallasen ara ikemmlen ayen i d-bdan yimezwura.
Daḥlal Canez