Tezga-d tɣiwant n Lemɛatqa deg unzul n usamer n temdint n Tizi Uzzu, tebɛed fell-as s wazal 21 n yikilumitren. Tesɛa tɣiwant-agi 35 000 n yimezdaɣ d 45,29 km2 n wakal.
Taɣiwant n lemɛatqa, ɣur-s lexsas d ameqqran deg yal iḥricen n tudert n yal ass, ama, daɣen, deg yisenfaren n unegmu yemxalafen. Dayen i d-yessekkaren lɣiḍ meqqren gar yimezdaɣ.
Taɣiwant mebla iɣallen n usellek ( Protection civile)
Ayen iɣef tezzi lwelha deg temnaṭ-agi lemɛatqa, d iɣalen n usellek ur tesɛi ara ar ass-a, ladɣa deg lwaqt anda yewweḍ lgaz ɣer yal taddart. Am neẓra, d yiwen usafar i yesɛan lxuf meqqren deg tudert n yimdanen. Rnu ɣef aya, times yetḥazen tamnaṭ-agi, imi deg unebdu iɛeddan, tečča ulla d ixxamen s sebba n uɛeṭṭel n iɣallen n usellek i d-yussan seg lebɛid.
Mebla sbiter neɣ axxam n usejji
Xas ulamma deg tɣiwant llan ugar n 35 000 n yimezzdaɣ, meɛna ur tesɛi ara sbiter. Ula d axxam-nni n usejji, ur yesɛi ara ttawilat iwulmen neɣ ɛad atraren. I wakken ad dawin yimezdaɣ-is, yettuḥettem fell-asen ad ruḥen ɣer tɣiwant n Ssuq Letniyen. Ɛlaḥsab n yimḍebbren n tɣiwant n Lemɛatqa, nnan-d d akken yeffeɣ-d usenfar n lebni n sbiter ameqqran deg yiseggassen-agi iɛeddan, maca mazal ar ass-a urɛad bdin lecɣal-is.
Mebla annar n ddabex uḍar
sḥassfen aṭas yilmezyen d tdukliwin tinaddalin n tɣiwant ɣef yir liḥala i yettidir uḥric-agi n waddal deg tɣiwant-nsen. Aṭas-aya segmi ssuturen deg wid teɛna temsalt i wakken ad asen-xedmen annar n ddabex uḍar, acu kan ar ass-a, ur yelli d acu i d-ibanen deg-s.
Mebla lbankat Gar yisenfaren igejdanen deg tuddert n yimdanen d lbni n lbankat, acku, aya yessishil tuder-nsen. Lexsas n wakal n lebni
D aɣbel meqqren deg unegmu. Ɣer yiɛeggalen n Usqamu aɣerfan aɣiwan, aɣbel ameqqran i d-ttmagaren d lexsas deg wakal n lebni, imi yal tikkelt mi ara d-yettunefk usenfar, ur d ttafen ara amḍiq i lebni-ines.
Aneḥbus n usenfar n temkerḍit n tɣiwant
Asenfar-agi yettujerden deg useggas 2007 deg wahil n usenduq acrik n tmazdayin tiɣiwanin, yeḥbes azal n 9 n yiseggasen-agi ɣef sebba n lexsas n tedrimt. D asenfar i d-yewwin, deg wahil-nsen, kra n yikubar n tseritit i d-ibedden ɣer tefranin-agi n 23 deg unbir i deg-i nella. Ahat, ad as-d-afen tifrat sya d afella.
Ali Zalouk