Isufar
– 250g n uksum n uzger – 250g n lḥemmez yellexsen – 50g n rruz – 1 n tebselt tameqqrant -1 n tɣenjawt n smen – 100g n leɛdes – 1 n tmeqqunt n teḥcict – 300g n ṭumaṭic yeẓdan d 4 n tɛeqqayin – 50g n lfarina -Lqerfa d lkemmun – lmelḥ d yifelfel aberkan
Aheggi
Gezmet lebsel, taḥcict u teẓdem ṭumaṭic mi mebɛed mi ara as-tekksen taclimt-is, terrem-ten daxel n tasilt ternum ɣur-sen aksum i wakken ad yeqlu deg kra n ddqayeq. Syin, terrem-as lmelḥ, ifelfel aberkan, lkemmun, rnut-as tura lḥemmez-nni. Smiret-as snat n litrat n waman, tanfem-as ad yeww azal n 30’ imir ternum leɛdesd ṭumaṭic yeẓdan i wakken ad yernu ad yeww 20’ mebla tadimt. Heggit lfarina-nni s waman, terrem-tt d rruz ɣer daxel n tasilt, treggim azal n 10’, u ternum-as 15’ i wakken ad yeww, syin teẓdem kulec.
S tezmert-nwen Daya