Ass-nni n lexmis 23 unbir 2017, imezdaɣ n tmurt n Lezzayer s umata rzan ɣer wammasen n udber i wakken ad xedmen lwajeb-nnsen n tefranin tigidanin, yerzan Isquma iɣerfanen iɣiwanen (APC) akked Yisquma iɣerfanen n lwilayat (APW). Deg umagrad-agi, nextar ad d-nmeslay ɣef wayen akk i icudden ɣer tefranin-agi n 23 unbir 2017, deg ladayra n wagennun. Tikkelt-agi, neɛreḍ deg tirza-nneɣ tasebḥit n wass-nni n lexmis iɛeddan, i d aɣ-yewwin ɣer ladayra n wagennun, yetabaɛen ɣer lwilaya n Tizi Uzzu. D ladayra ideg llant tlata n tɣiwanin: Taɣiwant n At Ɛisa Mimun, yesɛan 19 n yikersiyen, taɣiwant n Timizar, yesɛan 19 n yikersiyen, akked tɣiwant n Wagennun, yesɛan 15 n yikersiyen. Nerza ɣer 3 n wammasen n udber, yal taɣiwant nɛedda ɣer yiwen deg-sen. Ha-ten-in wugar n yisallen ɣef tefranin, deg tlata n tɣiwanin-agi. Ad d-nezwir deg tɣiwant n At Ɛisa Mimun, ideg jerden wazal n 11 838 n yimdanen iman-nsen deg lejridat n lbuṭ, i yettwaferqen ɣef 08 n wammasen n udber akked 16 n yinirawen n udɣar. D taɣiwant iɣef myeḥzwaren 6 n wumuɣen n yikabaren-agi: RND, RCD, FLN, FFS, MEN, MPA. Ma d igemmaḍ n tefranin-agi imenza, llan-d akka. Ɣef 10h30, leḥsab yerzan taɣiwant yewweḍ ɣer 7,05%, ma d win n usqamu n lwilaya yewweḍ ɣer 6,04…
Yettkemmil deg usebtar 13